تازا قان – دەنساۋلىق كەپىلى

بۇكىل رەسپۋبليكانى دۇر­لىك­تىرگەن وقيعا كەزىندە ەل­با­سى پارمەنىمەن قان جا­نە مەديتسينالىق قۇرال-جاب­دىق­تار­­دى زالالسىزداندىراتىن ور­تالىق سالىناتىن بولىپ شەشىم قابىلداندى. 2008 جىلى ەكى ورتالىق تا ەل يگىلىگىنە بەرىلدى. قۇداي قاراسىپ, ودان كەيىن جامان ىندەتتىڭ اتى شىققان جوق.

جاقىندا قان ورتالىعىنا ارنايى بارىپ, جاعدايىمەن تانىستىق.

ورتالىقتا جىلىنا 35000 دوزا قان كومپونەنت دايىندالادى. بەكىتىلگەن كەستەدەگى نو­مەنكلاتۋراعا سايكەس 2017 جىل­دان باستاپ 15 ءتۇرلى قان كوم­پو­نەنتتەرى شىعارىلادى ەكەن. قان ورتالىعىنىڭ ديرەكتورى قازىرگى جاعدايدى باياندادى.

وڭتۇستىك قازاقستان وبلىسىندا ترانسفۋزيولوگيالىق كومەك كورسەتەتىن 43 مەديتسي­نا­لىق مەكەمە بار, ونىڭ 40-ى مەملەكەتتىك, ال 3-ءى جەكە مەن­شىك­تەگى مەديتسينالىق مەكەمەلەر. وبلىستىق قان ورتالىعى اتال­مىش مەديتسينالىق مەكەمە­لەر­دىڭ سۇرانىستارىن ۇزدىكسىز, تاۋ­لىك بويى قان جانە ونىڭ كومپونەنتتەرىمەن, پرەپاراتتارىمەن, دياگنوستيكۋمدارىمەن قامتاماسىز ەتەدى.

قان ورتالىعىندا دونورلار مەن كەلۋشىلەر ءۇشىن وتە جايلى جاعداي جاسالعان. قان دايىنداۋ تەحنولوگيالىق ۇدەرىسىنە باع­دار­لامالىق جۇيە ەنگىزىلگەن. 

ءاربىر دونورعا جەكە شتريح-كود بەرىلىپ, بەينەيدەن­تي­فيكاتسيا جۇرگىزىلەدى. قان كوم­پونەنتتەرىن دايىن­داۋ پرو­تسە­سى بارىنشا اۆتو­مات­تان­دى­رىل­عان.

مەديتسينالىق مەكەمەلەر 100 پايىز كارانتيندەلگەن, ۆيرۋسيناكتيۆاتسيا, لەيكوفيلتراتسيا ۇدەرىسىنەن وتكەن قان كوم­پونەنتتەرىمەن قامتاماسىز ەتى­لەدى. ينفەكتسيالارعا دونور قانىن تەكسەرۋ ەكى دەڭ­گەي­دە سوڭ­عى ۇلگىدەگى اۆتو­مات­­تان­دى­رىلعان زاماناۋي انا­ليزاتورلار­دا جۇرگىزىلەدى.

وبلىستىق قان ورتالىعى يسو 9001-2015 حالىقارالىق ساپا ستاندارتى سەرتيفيكاتىن العان, 2017 جىلى ۇلتتىق اككرەديتتەۋدەن وتكەن. زاماناۋي تالاپتارعا ساي قان ورتالىعى گەموكومپونەنتتى تەراپياعا قا­جەت­تى قان كومپونەنتتەرى جانە پرە­پاراتتارىمەن جەتكىلىكتى جانە ساپالى تۇردە قامتاماسىز ەتۋدە, دەيدى وبلىستىق قان ورتا­لى­عىنىڭ ديرەكتورى سۇندەت راحىمبەرديەۆ.

باقتيار تايجان,

«ەگەمەن قازاقستان»

وڭتۇستىك قازاقستان وبلىسى