ۇكىمەت قاۋلىسىمەن التاەۆ نۇرجان قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى قىزمەتىنە تاعايىندالدى, دەپ حابارلايدى primeminister.kz.
نۇرجان باۋىرجان ۇلى 1978 جىلى وڭتۇستىك قازاقستان وبلىسىندا دۇنيەگە كەلگەن. 2004 جىلى م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىن, 2012 جىلى - اكادەميالىق يننوۆاتسيالىق ۋنيۆەرسيتەتتى تامامداعان. ماماندىعى - زاڭگەر, ەكونوميست.
ەڭبەك جولىن 2002 جىلى باستادى. 2005-2012 جىلدارى مەملەكەتتىك ورگانداردا ءار ءتۇرلى قىزمەتتەر اتقارعان, ۇلتتىق كومپانيالاردا جۇمىس ىستەگەن. 2012-2017 جج. «كاسىپكەرلەرگە قىزمەت كورسەتۋ ورتالىعىن», وڭتۇستىك قازاقستان وبلىسىنىڭ كاسىپكەرلەر پالاتاسىن باسقاردى, «اتامەكەن» قر ۇلتتىق كاسىپكەرلەر پالاتاسىنىڭ باسقارما توراعاسىنىڭ ورىنباسارى بولىپ ىستەگەن.