«اتامەكەنىم» اكتسياسى اياسىندا اتىراۋ وبلىسىنىڭ شالعايداعى قىزىلقوعا اۋدانىنىڭ تۇرعىنى بيزنەسىن كەڭەيتۋگە مۇمكىندىك الدى.
جاڭاباي مولداعاليەۆ ويىل اۋدانىندا تۇرادى. ءبىرىنشى توپ مۇگەدەگى ەكەنىنە قاراماستان زامان اعىمىنان قالماي كاسىپكەرلەردى قولداۋ ورتالىعىنا بارىپ, ءىس باستاۋدىڭ قىر-سىرىمەن تانىسقان ول مال تەرىسىن قابىلداۋ جانە ساتۋ بولىمشەسىن اشقان.
«بيزنەستىڭ باسقا دا تۇرلەرىن مەڭگەرگىم كەلەدى, الايدا مۇگەدەكتىگىمە بايلانىستى بانكتەردەن نەسيە الۋ قيىن. اۋدان باسشىلىعىنا, جەرگىلىكتى كاسىپكەرلەر پالاتاسىنا ءوتىنىش ءبىلدىرىپ ەدىم, كومەكتەسكەندەرىنە ريزامىن», دەيدى ج.مولداعاليەۆ.
اۋدان اكىمدىگى كاسىپكەرلەرلەرمەن بىرلەسىپ جاڭاباي مولداعاليەۆكە پرينتەر, نوۋتبۋك, فوتواپپارات سىيعا تارتتى. جاڭا جابدىقتارعا قول جەتكىزگەن كاسىپكەر اۋىلداستارىنا كومپيۋتەرلىك جانە فوتوعا ءتۇسىرۋ قىزمەتتەرىن ۇسىنۋدى ويعا الىپ وتىر.
مەملەكەت باسشىسىنىڭ بيىلعى حالىققا جولداۋىندا ايتىلعان الەۋمەتتىك جاۋاپكەرشىلىك پەن قايىرىمدىلىق مادەنيەتىن دامىتۋعا باعىتتالعان يگى شارالاردان اۋىل حالقىنىڭ دا تىس قالماعانى قۋانتادى.
باقىتگۇل باباش, «ەگەمەن قازاقستان»