قازاقستان رەسپۋبليكاسىنىڭ پرەزيدەنتى ن.نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىنىڭ نەگىزگى ەرەجەلەرىن ءتۇسىندىرۋ ماقساتىندا پارلامەنت سەناتىنىڭ دەپۋتاتى سەرىك بەكتۇرعانوۆ قوستاناي وبلىسىنداعى دەنيسوۆ اۋدانىنداعى الەۋمەتتىك سالا نىساندارىندا بولىپ, سايلاۋشىلارمەن كەزدەستى.
دەپۋتات كەزدەسۋ بارىسىندا مەملەكەت باسشىسىنىڭ جولداۋىندا بەلگىلەنگەن 10 باسىمدىقتى ىسكە اسىرۋ تەتىكتەرىن جان-جاقتى اڭگىمەلەپ, جەكەلەگەن ەرەجەلەردى ءتۇسىندىردى, سونداي-اق قويىلعان ساۋالدارعا ەگجەي-تەگجەيلى جاۋاپ بەردى. س.بەكتۇرعانوۆ «ەلباسىنىڭ جولداۋىنداعى بارلىق مىندەتتەر مەملەكەتتىڭ كەلەشەكتەگى دامۋىنا ارنالعان», دەپ اتاپ ءوتتى.
مەملەكەت باسشىسى ايتقانداي, جاڭعىرۋدىڭ نەگىزى بولىپ تابىلاتىن ادام كاپيتالىن دامىتۋ ماسەلەسىنە توقتالا كەلىپ, سەناتور ءبىلىم بەرۋ سالاسىنىڭ ۇزدىك جۇيەسىن قالىپتاستىرۋعا نازار اۋداردى. اۋدان تۇرعىندارى جولداۋدا ايتىلعان ەلباسىنىڭ باستامالارىنا قولداۋ ءبىلدىردى.