امەريكانىڭ بىرقاتار بۇقارالىق اقپارات قۇرالدارى قازاقستان پرەزيدەنتى نۇرسۇلتان نازارباەۆتىڭ كەلەسى اپتادا اقش-قا ساپارلايتىنى تۋرالى حابار تاراتتى.
اق ءۇيدىڭ ءباسپاسوز قىزمەتى نۇرسۇلتان نازارباەۆ پەن دونالد ترامپتىڭ 16 قاڭتاردا كەزدەسۋ وتكىزەتىنىن حابارلادى. كەزدەسۋ بارىسىندا مەملەكەت باسشىلارى ەكىجاقتى ستراتەگيالىق ارىپتەستىكتى تەرەڭدەتۋ جانە كۇشەيتۋ ماسەلەسىن, سونىڭ ىشىندە وڭىرلىك جانە ەكونوميكالىق ىنتىماقتاستىقتى تالقىلايدى. ترامپ پەن نازارباەۆ, سونداي-اق, بىرقاتار حالىقارالىق ماسەلەلەردى, سونىڭ ىشىندە قازاقستان بۇۇ قك توراعاسى رەتىندە ۇشىراسىپ وتىرعان اۋعانستانداعى جاعدايدى تالقىلاماق.