مەملەكەت باسشىسى جىل سايىنعى قازاقستان حالقىنا جولداۋىنا قاتىستى مالىمدەمە جاسادى.
«قازاقستان الەمدەگى ءتۇرلى سىناقتارعا توتەپ بەرىپ, قارقىندى ەكونوميكالىق دامۋ جولىنا بەت الدى. ەلىمىزدىڭ 2050-ءشى جىلعا دەيىنگى ۇزاق مەرزىمدى دامۋ ستراتەگياسى جۇزەگە اسىرىلۋدا. ءجۇز ناقتى قادام ۇلت جوسپارى اياسىندا ءبىز رەفورمالاردى جۇرگىزىپ كەلەمىز. يندۋستريالاندىرۋ سالاسىن وركەندەتۋ ءۇشىن جۇيەلى جۇمىستار اتقارىلۋدا. ءبىز كونستيتۋتسيالىق رەفورمانى جۇزەگە اسىرىپ, ەلىمىزدىڭ ءۇشىنشى جاڭعىرۋىن باستادىق. رۋحاني جاڭعىرۋ باعىتى بويىنشا كەشەندى ءىس-شارالار جۇرگىزىلۋدە. «تسيفرلىق قازاقستان» باعدارلاماسى قابىلداندى», دەدى نۇرسۇلتان نازارباەۆ.
ەرتەڭ مەملەكەت باسشىسىنىڭ قازاقستان حالقىنا جىل سايىنعى جولداۋى جاريالانادى. ول ءتورتىنشى يندۋستريالدى رەۆوليۋتسيا جاعدايىندا ەلدىڭ دامۋىنا ارنالعان. «مەن ىسكە اسىرۋىمىز كەرەك 10 نەگىزگى تاپسىرمانى اتاپ وتەمىن», دەدى ەلباسى.
ءماتىن ەرتەڭ ءباسپاسوز بەتىندە جاريالانادى.