ەۋروپا عالىمدارى وستەوحوندروز, قان قىسىمىنىڭ تۇراقسىزدىعى جانە باس اۋرۋى سياقتى ءجيى كەزدەسەتىن دەرتتەردى ەمدەيتىن ومىرشەڭ ءادىس ويلاپ تاپتى.
«زەرتتەۋ ناتيجەسى كورسەتكەندەي بالا تۋعان كەزدە ءبىرىنشى مويىن ومىرتقاسىنىڭ, ياعني اتلانتتىڭ جىلجۋ قاۋپى بار. ەگەر وسى قۇبىلىس ورىن الاتىن بولسا, قان اعىمى بۇزىلىپ, جۇيكە قابىقشاسى زاقىمدانادى. ال بۇل ءوز كەزەگىندە باس اۋرۋلارىنا اكەلىپ سوعادى. وسى سالادا تاجىريبە الماسۋعا كەلدىك», دەيدى سانكت-پەتەربۋرگتاعى «اتلانت» مەديتسينالىق ورتالىعىنىڭ دارىگەر-رەابيليتولوگى ۆلاديمير بوچانوۆسكي.
ونىڭ ايتۋىنشا ۇسىنىلىپ وتىرعان شەتەلدىك ءادىس وتە ءتيىمدى ءارى قاۋىپسىز. ومىرتقاعا ەش زاقىم كەلمەيدى. وسى ءادىستىڭ كومەگىمەن ناۋقاستى تولىقتاي ەمدەپ شىعۋعا بولادى.
«اتلانت» مەديتسينالىق ورتالىعىنىڭ دارىگەرلەرى ءادىستى جەتە مەڭگەرۋمەن قاتار شۆەيتساريالىق مەديتسينالىق قۇرىلعىلاردىڭ كومەگىنە جۇگىنەدى ەكەن.
«وسىدان 6 جىل بۇرىن وقىستان قۇلاپ, مويىنىم قاتتى زاقىمدانعان ەدى. ورتالىققا قارالۋدىڭ ارقاسىندا مويىن سۇيەك قالپىنا كەلدى», دەيدى پاتسيەنتتەردىڭ ءبىرى.
ونداعان پەتروپاۆلدىق رەسەيلىك دارىگەرلەردىڭ قابىلداۋىندا بولىپ, جاندارىنا شيپا تاپتى.
ءومىر ەسقالي, «ەگەمەن قازاقستان»