سەنات دەپۋتاتتارى ماناپ كوبەنوۆ پەن نۇرجان نۇرسيپاتوۆ پاۆلودار وبلىسىنىڭ اكىمى بولات باقاۋوۆپەن كەزدەسۋى بارىسىندا ايماقتىڭ تىنىس-تىرشىلىگى تۋرالى ايتىلدى جانە تۇرعىن ءۇي قۇرىلىسى مەن دەنساۋلىق ساقتاۋ نىساندارى, سونداي-اق سۋ قۇبىرى جەلىسىن جاڭعىرتۋ ماسەلەلەرى ەگجەي-تەگجەيلى تالقىلاندى.
م. كوبەنوۆ ەرتىس ءوڭىرىن ەكونوميكالىق دامۋ قارقىنىن جوعارى باعالادى جانە الەۋمەتتىك ماڭىزى زور جوبالاردى ىسكە اسىرۋعا قاجەتتى جاردەمدەسۋگە ازىرلىك تۋرالى ايتتى.
سەناتورلار پاۆلودار اۋدانىنداعى لۋگانسك اۋىلىندا ايماقتاعى ءىرى وندىرىستىك كووپەراتيۆتەردىڭ ءبىرى «لۋگانسك» تاۋارلىق ءسۇت فەرماسىنىڭ قۇرىلىسىندا بولدى. كاسىپورىن جەتەكشىسى پەتر كۋزمەنكو دەپۋتاتتاردى نىسان قۇرىلىسى تۋرالى حاباردار ەتتى. 316 ءمۇيىزدى ءىرى قارا مالىنا ارنالعان كاسىپورىن جوباسىنىڭ جالپى قۇنى 250 ميلليون تەڭگەنى قۇرايدى.
م. كوبەنوۆ پەن ن. نۇرسيپاتوۆ جۇمىس ىستەپ جاتقان ءسۇت كەشەنىندە بولىپ, ەڭبەك ۇجىمىمەن كەزدەستى.