قازاقستان رەسپۋبليكاسى مەملەكەتتىك ورتالىق مۋزەيىندە قر تۇڭعىش پرەزيدەنتىنىڭ كىتاپحانا قورى نەگىزىندە ۇيىمداستىرىلعان «ن. نازارباەۆ: ءداۋىر, تۇلعا, قوعام» كورمەسى اياسىندا دارىستەر مەن شەبەرلىك ساباقتارىن وتكىزدى.
ەلباسى نۇرسۇلتان نازارباەۆ قازاقستان تاريحىنداعى شەشۋشى كەزەڭدە ەركىندىك پەن تاۋەلسىزدىكتى اڭساعان حالىقتىڭ اسىل ارمانىن ورىندادى. قىسقا مەرزىم ىشىندە قازاقستان ءجۇز جىلعا تاتيتىن عاجايىپ كەزەڭدى ارتقا تاستادى.
«ن.نازارباەۆ: ءداۋىر, تۇلعا, قوعام» كورمەسى ءتورت تاقىرىپتىق بولىمنەن قۇرالعان: «كوشباسشى جولى», «كوشباسشى فەنومەنى», «ەلباسى مارتەبەسى-ەل مارتەبەسى» جانە «الەم تانىعان كوشباسشى» تاقىرىپتىق ارنايى بولىمدەردەن تۇرادى. ەل نازارىنا قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى قورىنىڭ ارحيۆتىك قۇجاتتارى, كىتاپتار مەن جادىگەرلەرىنىڭ توپتاماسى ۇسىنىلىپ وتىر. كورمەنىڭ ءاربىر ەكسپوزيتسياسىنا قويىلعان تاۋەلسىز قازاقستاننىڭ تاريحي دەرەكتىك حرونيكاسى ەلباسىنىڭ قىزمەتى ارقىلى ينتەراكتيۆتى اۋماقتاعى اۋقىمدى اقپاراتتىق رەسۋرستار ارقىلى كورسەتىلەدى.
ەل ىقىلاسىن وياتقان بۇل كورمەنىڭ ماقساتى قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ الەمگە تانىلعان, ەكونوميكاسى قارقىندى دامىعان, ءىرى ەكونوميكالىق, وندىرىستىك, عىلىمي, مادەني, زاماناۋي مەملەكەت قالىپتاستىرۋداعى ءرولىن جۇيەلى تۇردە كورسەتۋ بولىپ تابىلادى. كىتاپحانا جيناعىنىڭ ماتەريالدارى ن.نازارباەۆتىڭ مەكتەپ جاسىنداعى, جاستىق شاق, كومسومول, پارتيا جانە مەملەكەتتىك قىزمەتتەگى كەزەڭدەرىن سيپاتتايدى. اۋقىمدى وقيعالارعا تولى بولعان بۇل جىلدار جەكە ادامنىڭ جانە قوعامنىڭ تاريحي تاڭداۋىنا سەبەپكەر بولا ءبىلدى.قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ قورىنداعى كىتاپتاردىڭ اراسىنان, ءار جىلداردا ن.ءا. نازارباەۆقا سىيعا بەرىلگەن قازاقستاندىق اۆتورلاردىڭ قولتاڭباسى قويىلعان كىتاپتار ەرەكشە ورىن الادى. مەملەكەت باسشىسىنىڭ تۇلعاسىنا بايلانىستى, ءاربىر قولتاڭباسى بار كىتاپتىڭ قويناۋىندا, سىيلاۋشىنىڭ تاعدىرى مەن كىتاپتىڭ قايتالانباس تاريحى جاتىر.
«الەم تانىعان كوشباسشى» بولىمىندە شەتەلدىك مەملەكەت جانە ۇكىمەت باسشىلارىنان تاپسىرىلعان ديپلوماتيالىق سىيلىقتار ۇسىنىلعان. بۇل سىيلىقتار بۇكىل الەم ءۇشىن ءوزىنىڭ ءوزىنىڭ جەمىسىن بەرگەن ن.ءا. نازارباەۆتىڭ سىرتقى ساياساتىنىڭ سىرتقى ساياساتىنىڭ ساياسي باستامالارىنىڭ ناتيجەلەرىنىڭ ناتيجەسى بولىپ قالانىپ جاتىر. قازاقستاننىڭ قازىرگى زامانعى تاريحىنىڭ وزەكتى ماسەلەلەرى مەملەكەت باسشىسىنىڭ كوپتەگەن عىلىمي جانە عىلىمي-تانىمدىق ەڭبەكتەرىندە قاراستىرىلادى. ن.ءا. نازارباەۆ دۇنيەجۇزىنىڭ 34 تىلىنە اۋدارىلعان جيىرمادان ارتىق كىتاپتاردىڭ جانە عىلىمي ماقالالاردىڭ اۆتورى بولىپ كەلەدى.
1990 جىلداردىڭ ءبىرىنشى جارتىسى قازاقستان تاريحىنا جاس مەملەكەتتىڭ تاۋەلسىزدىگىنىڭ ىرگەسى قالانىپ, الەمدىك قاۋىمداستىق تاراپىنان تانىلىپ, ساياسي كارتادا وزىندىك ورنىن تابۋىمەن ەرەكشە ەستە قالدى. كورمەدە ايرىقشا ورىن الىپ وتىرعان اراب تىلىندەگى مۇسىلماندىقتىڭ قاسيەتتى باسىلىمدارىنىڭ ۇلگىلەرى ۇسىنىلعان. بۇل كوللەكتسيادا ن.ءا. نازارباەۆقا شەتەلدىك جانە وتاندىق عىلىم جانە مادەنيەت قايراتكەرلەرىنەن تابىس ەتىلگەن سىيلىقتاردىڭ نەگىزىندە قۇرالعان. ءار كىتاپتىڭ وڭدەلۋى نازىك زەرگەرلىك, كوركەمدىك جانە كالليگرافيالىق شەبەرلىكپەن ەرەكشەلەنەدى.
قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.ءا.نازارباەۆقا شەتەلدىڭ 30-دان اسا مەملەكەتىنەن بەرىلگەن ەڭ جوعارعى ماراپاتتارى كىتاپحانانىڭ مۋزەي قورىنىڭ ەڭ باستى قۇندىلىقتارى ءارى ماقتانىسى بولىپ ەسەپتەلەدى. بۇل ماراپاتتار مەملەكەتتەر اراسىنداعى ديپلوماتيالىق قاتىناستار ورناتۋداعى ن.ءا.نازارباەۆتىڭ قوسقان زور ۇلەسى ءۇشىن, يادرولىق قاۋىپتى جويۋ جانە قازاقستانداعى ۇلتارالىق, دىنارالىق تاتۋلىق پەن كەلىسىمدى قامتاماسىز ەتۋدەگى تولايىم باستامالارى ءۇشىن بەرىلگەنىن بىلەمىز.
بۇل كۇنگى ءىس-شاراعا ەلىمىزدىڭ تانىمال تاريحشى عالىمدارى ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى, پروفەسسور زيابەك قابىلدينوۆ پەن پروفەسسور مۇرات ءابدىروۆ كورمەگە كەلگەن جاستارعا قىزعىلىقتى اڭگىمە وتكىزدى.
ساپارباي پارمانقۇل, «ەگەمەن قازاقستان»