بۇل تۋرالى وبلىس اكىمدىگىندە وتكەن ءبىلىم بەرۋ باسقارماسىنىڭ القا ماجىلىسىندە ايتىلدى.
جىل بويى وڭىردەگى بالاباقشالاردا 7 مىڭ 200 ورىن بوس تۇرعانى انىقتالعان. وبلىستىڭ تەكسەرۋ كوميسسياسى مەن وبلىستىق ءماسليحات دەپۋتاتتارى وبلىس ورتالىعىنداعى 22-ءى بالاباقشانى تەكسەرىپ شىعىپتى. ءاربىر بالاعا مەملەكەت تاراپىنان جىلىنا 240 مىڭ تەڭگە بولىنەدى. سوندا, قارجى دۇرىس ماقساتتا قولدانىلعان با؟ بالالاردىڭ بالاباقشاعا كەلۋ كورسەتكىشى 64 پايىز. بۇل بالاباقشالارداعى ءاربىر ءۇشىنشى ورىن جىل بويى بوس تۇرعانىن كورسەتەدى. بالاباقشاعا كەزەككە تۇرعان اتا-انالار وڭىردە از ەمەس. وبلىستىق ءبىلىم باسقارماسى بالاباقشالارعا جولداما بەرۋدە اشىقتىقتى قامتاماسىز ەتۋ جانە بالالاردىڭ كۇندەلىكتى بالاباقشاعا بارۋىن باقىلاۋ ماقساتىندا Smart Pavlodar پيلوتتىق جوباسىن قولعا الۋ قاجەت دەپ وتىر.
«ەگەر دە بالاباقشاعا كۇندەلىكتى كەلمەيتىن بالا اۋىرماعان بولسا, باسقا دا سەبەبى جوق بولسا, وندا تىزىمنەن شىعارىپ تاستاپ, كەزەكتە تۇرعان باسقا بالالاردى شاقىرۋ كەرەك», - دەدى وبلىس اكىمى بولات باقاۋوۆ.
ءوزىنىڭ ورىنباسارى مەيرام بەگەنتاەۆقا جاڭا ءتىزىم قۇراستىرۋدى تاپسىردى.
فاريدا بىقاي, «ەگەمەن قازاقستان»
پاۆلودار