م.مۋسورگسكي اتىنداعى استراحان مۋزىكا كوللەدجىندە دومبىرادان ايماقتىق كونكۋرس ءوتتى. ونەر مەكتەبىندە ءبىلىم الىپ جاتقان 7 مەن 16 جاس ارالىعىنداعى بالالار اراسىندا وتكەن بايقاۋدىڭ ماقساتى ۇلتتىق ونەردى ۇلىقتاي وتىرىپ شىن تالانتتاردى انىقتاۋ.
سالتاناتتى شارا قازاق حالقىنىڭ داۋلەسكەر كۇيشى ۇلى قۇرمانعازىنىڭ ەسكەرتكىشى باسىندا ءتاۋ ەتىپ, وقۋشىلاردىڭ قۇرمەتپەن گۇل قويۋ راسىمىنەن باستالدى.
جاسوسپىرىمدەردىڭ بايقاۋىنا رەسەي جانە قازاقستان مەملەكەتىنىڭ تانىمال مۋزىكانتتارى قازىلىق ەتتى. قازىلار توراعاسى تەلمان ەرماعامبەتوۆ قازاقستاننىڭ ماقتاۋلى ءبىلىم قىزمەتكەرى, كومپوزيتور, «اقجەلەڭ» ءانسامبىلىنىڭ جەتەكشىسى.
حارابالي قالاسىنان كەلگەن ايدار وتەشوۆ كونكۋرستىڭ گران-پري يەگەرى اتانىپ, سىياقى رەتىندە اقتوبەدەگى قازانعاپ اتىنداعى ونەر مەكتەبىنە دومبىرادان شەبەرلىك-سىنىبىنان وتۋگە ارنالعان جولدامانى جەڭىپ الدى. ال «سوليستەر» اتالىمى بويىنشا سۇلتان باتىربەكوۆ (№4 بالالار ونەر مەكتەبى, حارابالي, ق.) ءبىرىنشى ورىن يەگەرى بولدى. بايقاۋعا قاتىسۋشىلارعا ارناي ديپلوم مەن ەستەلىك سىيلىقتار بەرىلدى.
قۇرمانعازى اتىنداعى ايماقتىق مادەني ورتالىعىنىڭ ديرەكتورى امانگەلدى ابۋلعازيەۆ قاتىسۋشىلاردىڭ ونەرىنە ءورىس تىلەپ قانا قويماي, مۇنداي كونكۋرستاردىڭ ايماقتاعى دومبىرا ونەرىنىڭ دامۋىنا جاڭاشا سەرپىن بەرەتىندىگىن جەتكىزدى.