پارلەمەنت سەنات دەپۋتاتتارى ماڭعىستاۋ وبلىسىنا جۇمىس ساپارىمەن كەلدى. وبلىس اكىمى ەرالى توعجانوۆ ميحايل بورتنيك, باقتىباي چەلپەكوۆ جانە دۋلات قۋستاۆلەتوۆتى قابىلدادى.
كەزدەسۋ بارىسىندا ءوڭىر باسشىسى دەپۋتاتتاردى وبلىستىڭ 2017 جىلعى الەۋمەتتىك-ەكونوميكالىق دامۋ ناتيجەلەرىمەن تانىستىردى.
- 2017 جىلعى كورسەتكىش بويىنشا ماڭعىستاۋ وبلىسىنداعى ءوندىرىس كولەمى 100%-عا جەتتى. ينۆەستيتسيا وتكەن جىلمەن سالىستىرعاندا 82,2% -دان 104%-عا دەيىن ءوستى. سونداي-اق, بۇرىن جوسپارلانعان بارلىق الەۋمەتتىك-ەكونوميكالىق جوبالار جۇزەگە اسىرىلدى. ولاردىڭ اراسىندا الداعى ۋاقىتتا جالعاسىن تاباتىن ۇلكەن جوبالار دا بار. سولاردىڭ ءبىرى - «نۇر كاپيتال». كاسىپكەرلەرگە 1%-بەن نەسيە بەرەتىن بۇل بىرەگەي جوبا ەلباسىنىڭ قولداۋىنا يە بولدى. سونىمەن قاتار, قۇرىق پورتىندا 1 ملن. 200 مىڭ توننادان استام جۇك تاسىمالداندى. جىلىنا قوسىمشا 2 ملن. توننا جۇك تاسىمالدايتىن جاڭا اۆتوكولىك پارومى پايدالانۋعا بەرىلدى», - دەدى ەرالى توعجانوۆ.
سونداي-اق, وبلىس اكىمى سەنات دەپۋتاتتارىنا وتاندىق ءتۋريزمدى دامىتۋ ماقساتىندا «اتا جول» جولىن قايتا جاڭارتۋدىڭ باستالعانىن بايانداپ, بۇل رەكونسترۋكتسيا جۇمىسى ماڭعىستاۋ وبلىسى اكىمدىگىنىڭ قازاقستان رەسپۋبليكاسىنىڭ ۇكىمەتى قولداۋى اياسىندا ينۆەستيتسيالار جانە دامۋ مينيسترلىگىمەن ىنتىماقتاسا وتىرىپ اتقارىلاتىن كوپتەگەن جوبالاردىڭ ءبىرى ەكەنىن اتاپ ءوتتى.
قوشقار اتا قالدىق قويماسىن قالپىنا كەلتىرۋ تۋرالى دەپۋتاتتاردىڭ سۇراعىنا ەرالى توعجانوۆ وسى ماقساتتا رەسپۋبليكالىق بيۋدجەتتەن 17 ملرد. تەڭگەدەن استام قارجى بولىنگەنىن ايتتى.
- قازىر سۇيىق فازانى تۇراقتاندىرۋ ءۇشىن كوس-1-دەن 7,7 ميلليون تەكشە مەتر تازارتىلعان سۋ قالدىق قويماعا شىعارىلادى. بۇدان باسقا باسقۇدىق اۋىلىنىڭ ميكروكليمات, ەكولوگيالىق جانە سانيتارلىق-گيگيەنالىق جاعدايىن تۇراقتاندىرۋ ءۇشىن جالپى اۋدانى 8,2 گەكتار بولاتىن جاسىل ايماقتى قۇرۋ باستالدى. سونداي-اق, ۇزىندىعى 3 كم بولاتىن جاسىل قورعانىس بەلدەۋىن قۇرۋ جوسپارلانعان», - دەدى ول.
گۇلايىم شىنتەمىرقىزى, «ەگەمەن قازاقستان»