استانا قالاسىنداعى №54 مەكتەپ-ليتسەيدە وتكەن سالتاناتتى شاراعا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى, قر ۇعا اكادەميگى, استانا قالالىق ءماسليحاتىنىڭ دەپۋتاتى ەرلان سىدىقوۆ قاتىسىپ, مەكتەپ تابالدىرىعىن العاش اتتاعان بالعىن ءجۇزدى ۇرپاققا ىزگى تىلەگىن ارنادى.
ونىڭ دا ءجونى بار, №54 مەكتەپ-ليتسەيدىڭ بيىلعى 46 تۇلەگى ەلىمىزدەگى ەڭ ۇزدىك جوعارى وقۋ ورىندارىنا تۇسسە, سونىڭ دەنى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىن تاڭداعان.
سالتاناتتى شارادا اق تىلەكتەر اقتارىلىپ, ءان دە سالىندى, بي دە بيلەندى. سودان كەيىن جۇدىرىقتاي جۇرەگى لۇپىلدەگەن بالعىندار العاشقى مۇعالىمدەرىنىڭ جەتەكتەۋىمەن سىنىپتارىنا كىرىپ, پارتالارىنا وتىردى. بۇل ولاردىڭ «مەن ءوز ەلىمنىڭ پاتريوتىمىن» اتتى العاشقى ءدارىس تىڭداۋى بولاتىن.
ءسويتىپ, ازات ەلدىڭ ايبىنىن اسىراتىن بالعىندار كۇزدىڭ العاشقى كۇنىندە جارقىن بولاشاققا قادام باستى.
«ەگەمەن-اقپارات»