قازاقستاندىق پالۋانداردىڭ الەمدىك دودالارعا دايىندىعىن ارتتىرۋ مەن شەبەرلىكتەرىن ۇشتاۋ ماقساتىندا 23 جاسقا دەيىنگىلەر اراسىندا سامبودان جانە ەرلەردەن اسكەري سامبودان وسىمەن ءۇشىنشى رەت ۇيىمداستىرىلىپ وتىرعان جارىسقا وزبەكستان, تاجىكستان, سونداي-اق قازاقستاننىڭ اقتوبە, اتىراۋ, ماڭعىستاۋ, باتىس قازاقستان, وڭتۇستىك قازاقستان, شىعىس قازاقستان وبلىستارىنان 120-عا جۋىق سپورتشى قاتىسىپ, 12 سالماق دارەجەسى بويىنشا باق سىنادى.
تۋرنير قورىتىندىسىندا سالماق دارەجەلەرىنە قاراي ەراسىل باقىت (48 كگ), ارمات قابدولوۆ (52 كگ, ەكەۋى دە بقو-دان), بازارباي جاسۇلان (57 كگ), جەڭىس قالاباي (62 كگ, ەكەۋى دە اقتوبەدەن), سەرىكباي نەعمەت (68 كگ, بقو), تولەگەن نۇرعاليەۆ (74 كگ, شقو), داۋرەن بولاتبەك ۇلى (82 كگ, اتىراۋ), ەلامان قويشىبەكوۆ (90 كگ, اقتوبە), ولجاس سۇلەيمەنوۆ (100 كگ), تەمىرلان كولباي (+100 كگ, ەكەۋى دە بقو-دان) چەمپيون اتاندى. سونداي-اق اسكەري سامبودان ەرجان ەسەنعاليەۆ (62 كگ) پەن مەيرامبەك بيسەنعاليەۆ (74 كگ, ەكەۋى دە بقو-دان) ۇزدىك شىقتى.
جارىستىڭ جەڭىمپاز-جۇلدەگەرلەرى ديپلوم, مەدالدارمەن, اقشالاي سىيلىقتارمەن ماراپاتتالدى.
وعان قوسا 48 كگ سالماقتا جەڭىمپاز اتانعان ەراسىل باقىت ات ءمىندى. كەزىندە اسقار شايحيەۆ وسى سالماقتا كۇرەسكەن بولاتىن.