مەكسيكالىق ساۋل الۆارەس گەننادي گولوۆكينمەن وتەتىن ايقاستان ءبىر اي بۇرىن WBC ءۇشىن قاجەت سالماق ولشەۋدەن وتپەدى, دەپ حابارلايدى Sports.kz.
الۆارەس ۇيىممەن بولعان شيەلەنىستىڭ سالدارىنان WBC تيتۋلىنا ۇمىتكەرلىكتەن باس تارتتى.
ال گولوۆكين مىندەتتى سالماق ولشەۋدەن ءساتتى ءوتىپ, ۇيىمنىڭ نورماتيۆتەرىنەن اسىرمادى. قازىر ونىڭ سالماعى 170 فۋنتتى (77,1 كەلى) قۇرايدى, ال بۇل كەزەڭگە رۇقسات ەتىلگەن ليميت - 176 فۋنت (79,8 كەلى). گولوۆكيننىڭ سالماق ولشەۋدەن ءساتتى وتكەنى تۋرالى ونىڭ پروموۋتەرى توم لەففلەر تۆيتتەردە حابارلادى.
رينگكە شىعۋعا ءبىر كۇن قالعاندا وتەتىن سوڭعى سالماق ولشەۋ شاراسىندا GGG 160 فۋنتتى (72,574 كەلى) كورسەتۋى ءتيىس. گەننادي گولوۆكين مەن ساۋل الۆارەس جەكپە-جەگى 16 قىركۇيەك كۇنى لاس-ۆەگاس قالاسىنداعى T-Mobile ارەناسىندا وتەدى.