تسەلينوگراد اۋدانى پريرەچنوە كەنتىندە قۋاتى تاۋلىگىنە 165,2 تەكشە مەتر سۋ جەتكىزە الاتىن جاڭا قوندىرعى سالىنادى.
تسەلينوگراد اۋدانى اكىمى ءباسپاسوز قىزمەتىنىڭ اقپاراتىنا قاراعاندا, قازىرگى تاڭدا جوبالاۋ-سمەتالىق قۇجاتتاردى ازىرلەۋگە بيۋدجەتتەن تاپسىرىس بەرۋ ءۇشىن ينۆەستيتسيالىق ۇسىنىستار پىسىقتالۋدا. 2005 جىلى اتالعان ەلدى مەكەندە تاۋلىگىنە 30 تەكشە مەتر سۋدى تازارتا الاتىن مودۋل ورناتىلعان بولاتىن. اتالعان جەلىگە مەكتەپ قانا قوسىلىپ, تۇرعىندار سۋدى قۇدىقتان تارتىپ ءىشىپ كەلدى. سوندىقتان, سۋدىڭ ساپاسىن جاقسارتۋ ماقساتىندا جوندەۋ جۇمىستارى قولعا الىنىپ, قازىر ەكى اۋىسىمدا جۇمىس جۇرگىزىلۋدە.
اسقار تۇراپباي ۇلى,
«ەگەمەن قازاقستان»
اقمولا وبلىسى