قازاقستاننىڭ سىرتقى ىستەر ءمينيسترى قايرات ءابدىراحمانوۆ وزبەكستاننىڭ سىرتقى ساياسات ۆەدومستۆوسى باسشىسىنىڭ ورىنباسارى سايديكرام نيازحودجاەۆتى قابىلدادى.
تاراپتار قازاقستان مەن وزبەكستان اراسىنداعى ىنتىماقتاستىقتى دامىتۋدىڭ وزەكتى ماسەلەلەرىن, سونىڭ ىشىندە اعىمداعى جىلدىڭ ناۋرىز ايىندا وزبەكستان پرەزيدەنتى شاۆكات ميرزيوەۆتىڭ قازاقستانعا مەملەكەتتىك ساپارىنىڭ قورىتىندىلارى بويىنشا قول جەتكىزىلگەن ەكى ەل كوشباسشىلارىنىڭ ۋاعدالاستىقتارىن ىسكە اسىرۋ بارىسىن تالقىلادى.
س.نيازحودجاەۆ وزبەكستان ەلشىلىگىنىڭ الماتىدان استاناعا كوشۋى جونىندە قابىلدانعان شەشىم جانە ديپلوماتيالىق وكىلدىك عيماراتى كەشەنىنىڭ قۇرىلىسى باستالعانى تۋرالى حابارلادى.
كەزدەسۋدە سونداي-اق الداعى ءتۇرلى دەڭگەيدەگى ەكىجاقتى بايلانىستاردىڭ جانە ورتالىق ازياداعى حالىقارالىق ءىس-شارالاردىڭ كەستەسى قاراستىرىلدى.