سولتۇستىك قازاقستان وبلىسى استاناداعى مادەنيەت كۇندەرى اياسىندا ۇلتتىق مۋزەيدە كورمە ۇيىمداستىراتىن ءبىرىنشى ءوڭىر بولادى. «كورمەدە مەشىتتەر مەن شىركەۋدىڭ مەتريكالىق كىتاپتارى, قازاق حاندىعىنىڭ تاريحى مەن 18 عاسىرداعى شەتەل ارحيۆتەرىنىڭ قۇجاتتارى مەن قۇجات كوشىرمەلەرى, «الاش» پارتياسى مەن «الاش وردا» قىزمەتىنە قاتىستى بىرەگەي قۇجاتتار ۇسىنىلادى», - دەدى وبلىستىق ارحيۆ ديرەكتورى ساۋلە ماليكوۆا. كورمەگە وبلىستىڭ كيەلى جەرلەرىنىڭ كارتاسى, مەملەكەت باسشىسى نۇرسۇلتان نازارباەۆتىڭ سولتۇستىك قازاقستان وبلىسىنا جاساعان ساپارلارىنىڭ فوتوقۇجاتتارى قويىلادى.
«بىزدە ماعجان جۇماباەۆتىڭ قولجازباسى بار. بۇل قۇجات بۇرىن قۇپيا ساقتالىپ كەلگەن. الايدا, ودان «اسا قۇپيا» تاڭباسى الىنىپ تاستالدى. قۇجات 1922 جىلدىڭ 20 تامىزى كۇنى وبلىستا اشارشىلىق كەزىندە جازىلعان», - دەپ ءتۇسىندىردى ساۋلە ماليكوۆا.
«قازاقستاننىڭ جاڭا تاريحي بەلەسى» كورمەسى 24-26 تامىز ارالىعىندا قازاقستان رەسپۋبليكاسى ۇلتتىق ءارحيۆىنىڭ كورمە زالىندا ساعات 11.00-دەن 18.00-گە دەيىن وتەدى.