بۇگىن استانادا ەكسپو-2017 حالىقارالىق مامانداندىرىلعان كورمەسىنە وراي ۇيىمداستىرىلعان ماڭعىستاۋ وبلىسىنىڭ مادەنيەت كۇندەرى باستالدى.
ءتورت كۇنگە سوزىلاتىن ماڭىزدى شارانى ماڭعىستاۋلىقتار ەلورداعا سالەم رەتىندە وتان قورعاۋشىلار الاڭىنداعى «وتان-انا» مونۋمەنتىنە گۇل شوقتارىن قويۋمەن باستادى.
سوعىس قاھارماندارىنىڭ رۋحىنا تاعزىم ەتىپ, گۇل شوقتارىن قويعان سوڭ وبلىس اكىمى ەرالى توعجانوۆ باستاعان ءوڭىردىڭ ەلگە تانىمال تۇلعالارى ء«ولى رازى بولماي, ءتىرى بايىمايدى» دەگەن ءتامسىلدى ۇستانىپ, قازاقستاننىڭ حالىق جازۋشىسى, رەسپۋبليكانىڭ العاشقى مەملەكەتتىك حاتشىسى بولعان مارقۇم ءابىش كەكىلباەۆ پەن فاريزا وڭعارسىنوۆانىڭ رۋحتارىنا قۇران باعىشتادى.
باتالى جيىندا ءابىش كەكىلباەۆتىڭ جارى كلارا جۇماباەۆا, سونىمەن قاتار ەلىمىزگە بەلگىلى ماڭعىستاۋ ءوڭىرىنىڭ اقىن-جازۋشىلارى, مايتالمان سپورتشىلار, قازاقستان حالقى اسسامبلەياسىنىڭ مۇشەلەرى دا بولعانىن ايتا كەتكەن ءجون.
ايتا كەتەيىك, استاناداعى ماڭعىستاۋ وبلىسىنىڭ مادەني كۇندەرى كۇندەرى 18-تامىزعا دەيىن جالعاسادى.