ولارعا مۇگەدەك قول اربالارى مەن ەستۋ قۇرىلعىلارىن الۋعا مەملەكەتتىك كۆوتا ەسەبىنەن 610 ميلليون تەڭگە قاراستىرىلعان.
«بۇگىنگى كۇنى 3,5 مىڭ مۇگەدەك قاجەتتى قۇرالدارمەن, 4 مىڭ مۇگەدەك كومەكشى قۇرىلعىلارمەن جابدىقتالدى. جىل سوڭىنا دەيىن تاعى 1,5 مىڭ ادام قامتىلاتىن بولادى. سونداي-اق جەكە گيگيەناعا ارنالعان زاتتاردىڭ سانى ۇلعايتىلدى», دەيدى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ مىندەتىن اتقارۋشى گۇلميرا ماۋلەتباەۆا.
بيىلدان باستاپ دىمكاس جاندارعا سۋردو-تەفلوتەحنيكالىق قۇرالداردان بولەك ۇيالى تەلەفوندار مەن نوۋتبكۋتار ءبولۋ قاراستىرىلسا, 30 تەلەفون مەن 20 كومپيۋتەر يەلەرىن تاپتى. شيپاجايلاردا تىنىعۋ ءۇشىن كەمباعال ادامدارعا 600 جولداما بەرىلەدى.
ءتورت وبلىستى قامتيتىن پەتروپاۆل پروتەز-ورتوپەديا زاۋىتى پروتەز-ورتوپەديالىق قۇرالدار شىعارىپ, وڭالتۋ قىزمەتتەرىنىڭ ساپاسىن ارتتىرۋدى باستى نىسانا ەتكەن. قازىر جامباس پەن تىزە پروتەزدەرىنىڭ ىڭعايلى تۇرلەرىن شىعارۋمەن اينالىسۋدا.
ءومىر ەسقالي, «ەگەمەن قازاقستان»