قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسى مەن قورى باسپا جانە ەلەكتروندىق بۇقارالىق اقپارات قۇرالدارى قىزمەتكەرلەرى اراسىنداعى قازاقستان رەسپۋبليكاسىنىڭ تاۋەلسىزدىك كۇنىنە ارنالعان «قازاقستان تاۋەلسىزدىگى جانە ەلباسى» تاقىرىبىنداعى جىل سايىنعى اشىق كونكۋرسقا قاتىسۋعا ءوتىنىم قابىلداۋدى جۇرگىزىپ جاتىر.
كونكۋرستىڭ ماقساتى – ەلدىڭ تاۋەلسىزدىك جىلدارىنداعى جەتىستىكتەرىن كورسەتۋ, قازاقستان مەملەكەتتىلىگىنىڭ نەگىزى رەتىندە «نازارباەۆ مودەلىن», ەلباسىنىڭ يدەيالارى مەن باستامالارىن تانىمال ەتۋ. كونكۋرس ءتورت نوميناتسيا بويىنشا وتكىزىلەدى: 1) «ۇزدىك تەلەديدار ماتەريالى»; 2) «ۇزدىك راديوماتەريال»; 3) «گازەتتەر مەن جۋرنالدارداعى ۇزدىك ماقالا»; 4) «عالامتور-باق-تاعى ۇزدىك جاريالانىم». نوميناتسيالاردىڭ ارقايسىسى بويىنشا جەڭىمپازدارعا 1 ميلليون تەڭگە مولشەرىندە اقشالاي جۇلدە بەرىلەدى, ال ەكىنشى جانە ءۇشىنشى ورىندار ءۇشىن تيىسىنشە – 500 مىڭ جانە 200 مىڭ تەڭگە بەرىلەدى. ودان باسقا, بارلىق جۇلدەگەرلەرگە ديپلومدار مەن ومىراۋعا تاعاتىن بەلگىلەر تاپسىرىلادى. كونكۋرسقا كاسىپقوي جۋرناليستەر جەكە جانە ۇجىمدىق نەگىزدە دە قاتىسا الادى. كونكۋرسقا 2017 جىلعى 1 قاڭتاردان باستاپ 10 قازان مەرزىمى بويىنشا مەملەكەتتىك جانە ورىس تىلدەرىندە رەسمي جاريالانعان (باسىلعان, ەفيرگە شىعارىلعان, عالامتوردا ورنالاستىرىلعان) بىرەگەي ماتەريالدار قابىلدانادى. كونكۋرستىڭ قورىتىندىسىن قۇرامىنا بەلگىلى جۋرناليستەر, قازاقستاننىڭ كورنەكتى مەملەكەت جانە قوعام قايراتكەرلەرى ەنگەن كونكۋرس كوميسسياسى شىعارادى. جەڭىمپازداردى ماراپاتتاۋدىڭ سالتاناتتى ءراسىمى تاۋەلسىزدىك كۇنى قارساڭىندا وتكىزىلەدى. كونكۋرسقا قاتىسۋعا وتىنىمدەر 2017 جىلعى 1 ماۋسىمنان باستاپ 10 قاراشاعا دەيىنگى مەرزىمدە اكەلىپ بەرۋ تارتىبىمەن نەمەسە پوشتامەن جونەلتۋ ارقىلى مىنا مەكەن-جايدا: Z05S5X1, قازاقستان رەسپۋبليكاسى, استانا قالاسى, ءا.بوكەيحان كوشەسى, 10, 213-كاب., «قازاقستان تاۋەلسىزدىگى جانە ەلباسى» كونكۋرسىنا» دەگەن بەلگىسىمەن قابىلدانادى (بايلانىس تەل.: (7172) 69-30-54, 69-30-56, 69-30-57). كونكۋرستى وتكىزۋدىڭ شارتتارى مەن ۋاقىتى تۋرالى بارلىق اقپاراتپەن www.presidentlibrary.kz, www.presidentfoundation.kz سايتتارى ارقىلى تانىسۋعا بولادى.