ءسوز ارقاۋى – سەرىكتەستىك ستراتەگياسىنىڭ جوباسى

كەزدەسۋ بارىسىندا ازيا دامۋ بانكىنىڭ قازاقستانعا ار­نال­عان 2017-2021 جىلدارداعى جاڭا سەرىكتەستىك ستراتەگياسىنىڭ جوبا­سى تالقىلاندى. ستراتەگيا جوبا­سىندا قارجى سەكتورىن نى­عايتۋ, تۇراقتى ءوسىمدى قولداۋ جانە جاڭا جۇمىس ورىن­دارىن اشۋ ماقساتىندا باسەكە­گە قابىلەتتىلىكتى ارتتىرۋ جانە ەكونوميكانى ءارتاراپتان­دىرۋدى جالعاستىرۋ, ينفراقۇ­رى­لىمعا ينۆەستيتسيالاردى قول­داۋ, كاسىپكەرلىكتى دامىتۋ جانە ەكو­نوميكالىق ءوسىمنىڭ درايۆەر­لەرىنىڭ ءبىرى رەتىندە جەكە كاپيتال تارتۋ ماسەلەلەرى قامتىلعان.  سونىمەن قاتار, دەنساۋلىق ساقتاۋ جۇيەسىن قايتا رەتتەۋ, اۋىل اۋماقتارىن دامىتۋ, كلي­ماتتىڭ وزگەرۋى, سونداي-اق تۋ­ريزم جانە ەنەرگەتيكا سالا­لار­ىنداعى ىنتىماقتاستىق ماسە­لەلەرى تالقىلاندى. ازيا دامۋ بانكىنىڭ ۆيتسە-پرەزيدەنتى ۆ. جانگ ەكسپو-2017 كورمەسىنىڭ اياق­تالۋىنا وراي بيىل قىركۇيەك ايىندا الماتى قالاسىندا وڭىرلىك ءبىلىم جەتىلدىرۋ ورتالىعىن اشۋ جوس­پارلانعانىن اتاپ ءوتتى, ونىڭ بازا­سىندا زەرتتەۋلەر جۇرگىزىلەدى, سون­داي-اق قازاقستانداعى ينستي­تۋتسيو­نالدىق الەۋەتتى دامى­تۋعا جاردەم كورسەتىلەدى.