ەلوردا اكىمدىگىندە وتكەن پرەسس-كونفەرەنتسيا بارىسىندا رەسمي تىركەلگەن تاكسيلەردىڭ BusLane جولاقتارىمەن ءجۇرۋ قۇقىقتارى ءتۇسىندىرىلدى. جولاۋشىلار تاسىمالداۋ جانە جولجۇكتەرى ەرەجەسىنە ساي تاسىمالداۋ قىزمەتتەرىن كورسەتەتىن كومپانيالار استانا قالاسىنىڭ جولاۋشىلار كولىگى باسقارماسىمەن كەلىسىم شارتقا وتىرۋلارى ءتيىس. سودان كەيىن كولىك قۇرالدارىنىڭ تىركەلگەنى تۋرالى ماعلۇمات ارنايى جولاقتارمەن قاتىناۋ قۇقىعىنا يە اۆتوموبيلدەردىڭ رەەسترىنە قوسۋ ءۇشىن اكىمشىلىك پوليتسيا باسقارماسىنا جىبەرىلەدى. بۇگىنگى كۇنى قالاداعى 13 تاكسوماتورلى كومپانيا اتالعان پروتسەدۋرادان ءوتتى.
- «استانا تاكسي» جالپى قالالىق تاڭباسى قۇرىلدى. ءبىز وزىمىزگە تاكسوموتورلى كومپانيالار مەن كولىك قىزمەتكەرلەرىن شاقىردىق: جۇمىستىڭ العاشقى كەزىندە بىزگە 7 كومپانيا قوسىلسا, قازىر ولاردىڭ سانى 13. جالپى اۆتوموبيلدەردىڭ سانى – 414, تاعى 60 كولىك راسىمدەلۋ ۇستىندە. ەرەكشەلەيتىن بەلگىلەردىڭ ەسكيزدەرى دايىندالدى. سول سەبەپتەن, «TAXI» بەلگىسىن جابىستىرىپ العان جەكە مەنشىكتەر BusLane جولاقتارىمەن قاتىناي المايدى, - دەپ ءتۇسىندىردى «استانا قالاسى جولاۋشىلار كولىگى باسقارماسى» مم باسشىسى بەكمىرزا يگەنبەردينوۆ.
جول ءجۇرۋ ەرەجەسىن بۇزعاندار مەن قوعامدىق كولىكتەرگە ارنالعان ارنايى جولاقتارمەن قاتىناعاندار ءۇشىن 11 345 تەڭگە, قايتالالانعان جاعدايدا – 10 اەك (22 690 تەڭگە) ايىپپۇل كوزدەلگەن.
- جاقىن ارادا قالادا قۇقىقبۇزۋشىلىقتى تىركەپ وتىراتىن 3000-عا جۋىق بەينەباقىلاۋ كامەرالارى ورناتىلادى. بارلىق قۇقىقبۇزۋشىلىقتار اۆتوماتتى تۇردە تىركەلىپ, باسقارمانىڭ اكىمشىلىك پراكتيكا بويىنشا پروتسەسسينگتىك ورتالىعىنا جىبەرىلىپ وتىرادى, - دەدى استانا قالاسى ءىىد اكىمشىلىك پوليتسيا باسقارماسى باسشىسىنىڭ ورىنباسارى نۇرلان ۇزاەۆ.