«بۇگىن ايتۋلى وقيعا بولىپ جاتىر. ءبىز ەڭ ءىرى كۇن ەلەكتر ستانساسىنىڭ قۇرىلىسىن باستاپ جاتىرمىز. بۇل ءبىزدىڭ ايماقتىڭ ەكسپو-عا سىيلىعى, − دەدى اشىلۋ سالتاناتى بارىسىندا قاراعاندى وبلىسىنىڭ اكىمى ەرلان قوشانوۆ. – ينۆەستورلارعا, سەرىكتەستەرىمىزگە جوبالارىن جۇزەگە اسىرۋدا قاراعاندى ايماعىن تاڭداعاندارى ءۇشىن العىسىمدى بىلدىرگىم كەلەدى. جاڭعىرمالى ەنەرگيا كوزدەرىن دامىتۋ – ول ەلباسىنىڭ تاپسىرماسى. بۇگىنگى تاڭدا وبلىسىمىزدا ءبىز سول تاپسىرمانى ورىنداۋ ءۇشىن العاشقى قادامدار جاساۋدامىز».
ايماق باسشىسى ۇلكەن دايىندىق جۇمىستارى جاسالعانىن اتاپ ايتتى. قازىرگى ۋاقىتتا زاڭدىق جانە قارجىلىق ماسەلەلەر شەشىلگەن, بارلىق رۇقسات بەرۋ راسىمدەمەلەرى ورىندالدى. كۇن ەلەكتر ستانساسىنىڭ قۇرىلىسىنا 160 گا كولەمىندە جەر ۋچاسكەسى بولىنگەن. جوبانىڭ تەحنيكالىق نەگىزدەمەسى قۇرىلىپ, ساراپتاما قورىتىندىسى الىندى. «KEGOC» اق-پەن بىرگە قۋات شىعارۋ نۇسقاسى قۇرىلدى جانە قۇپتالدى, قوسۋدىڭ تەحنيكالىق شارتتارى الىندى.
ء«بىزدىڭ ينۆەستورلار ءۇشىن بۇعان جەتۋدىڭ جولى كۇردەلى جانە ۇزاق بولدى, ولار بەس جىلدان ارتىق ۋاقىت جۇمسادى. بۇل ءىستىڭ لوگيكالىق سوڭى وسى جەردە ورتالىق ازياداعى ەڭ ۇلكەن كۇن ەلەكتر ستانساسى ىسكە قوسىلعاندا بولادى», دەدى ەرلان قوشانوۆ.
ينۆەستورلاردىڭ ايتۋىنشا, قازىرگى ۋاقىتتا قۇرىلىستىڭ باستالۋىنا بارلىعى دايىن. جوبا باستاماشىلارى قازاقستاندا كۇن ەنەرگەتيكاسىن دامىتۋ ءۇشىن بارلىق جاعداي بار دەيدى. قاجەتتى اۋماقتى تاڭداۋدا جەرگىلىكتى بيلىكتىڭ قولداۋى ماڭىزدى ءرول اتقارعان ەكەن.
«بۇل جوبانى ءساتتى جۇزەگە اسىرۋعا بايلانىستى بارلىق نەگىزگى ماسەلەلەر شەشىلگەن. ءبىز بۇگىن كۇن ەلەكتر ستانساسىنىڭ قۇرىلىسىن باستادىق, ونى 2018 جىلى اياقتاۋدى جوسپارلاپ وتىرمىز. ءبىزدىڭ ەلەكتر ستانسامىز قازاقستاندىقتاردىڭ ءومىر ساپاسىن جوعارىلاتۋعا سەپتىگىن تيگىزەتىنىنە سەنىمدىمىز. بىرىنشىدەن, بۇل «جاسىل» تەحنولوگيالار جانە قورشاعان ورتانى لاستانۋدان ساقتايتىن ءادىس. ەكىنشىدەن, جاڭا جۇمىس ورىندارىنىڭ اشىلۋى», − دەدى جوبانىڭ باس ينۆەستورى يان زوننەنشاين.
بەلگىلەنگەن جەر اۋماعىندا 370 مىڭ كۇن پانەلدەرى ورناتىلادى. ءبىر جىلدىق ەلەكتر ەنەرگياسىنىڭ ءوندىرىس كولەمى 145 ملن كۆت/س قۇرايدى. ستانسانىڭ قۋاتتىلىعى − 100 مۆت. سالىستىرار بولساق, ساران قالاسى 10 ەسە ازىراق قۋات جۇمسايدى.
ميراس اسان, «ەگەمەن قازاقستان»
قاراعاندى وبلىسى