برازيليا فۋتبول كومانداسىنىڭ چارتەرلىك ۇشاعى كولۋمبيادا اپات ۇشىرادى. بۇل تۋرالى گارديان باسىلىمى وسى ەلدىڭ رەسمي ادامدارىنا سىلتەمە جاساپ حابارلايدى.
ۇشاق كولۋمبيانىڭ مەدەلين اۋەجايىنا بارۋى ءتيىس بولعان. اۋەجايدىڭ تۋيتتەردەگى اككاۋنتى ۇشاقتىڭ بوليۆيادان شىققانىن جازعان جانە جولدا توتەنشە جاعدايعا ۇشىراعانىن راستادى. سوڭعى مəلىمەتتەرگە قاراعاندا بىرنەشە ادام ءتىرى قالعان جəنە ونىڭ ءبىرى فۋتبولشى.
جەرگىلىكتى ءباسپاسوز چارتەرلىك رەيستە برازيليانىڭ «شاپەكوەنسە» كومانداسى, بارلىعى 72 ادام بولعانىن حابارلايدى. وزگە مالىمەتتەر بويىنشا جولاۋشىلار سانى - 81. كوماندا 30 قاراشا كۇنى وڭتۇستىك امەريكا كۋبوگى فينالىندا اتلەتيكو ناسيونال كلۋبىمەن كەزدەسۋى ءتيىس بولعان.
«شاپەكوەنسە» كومانداسى برازيليا چەمپيوناتىنىڭ جوعارعى ديۆيزيونىندا وينايدى. كوماندا كاپيتانى كلەبەر سانتانا بىر كەزدە ءمادريدتىڭ «اتلەتيكو» كلۋبىندا ويناعان.