قاراعاندى وبلىسىنىڭ اكىمى گەرمانيا مەن مولداۆيا ەلشىلەرىن قابىلدادى, دەپ حابارلايدى وبلىس اكىمدىگىنىڭ ءباسپاسوز قىزمەتى.
نۇرمۇحامبەت ابدىبەكوۆ جاڭادان تاعايىندالعان گەرمانيا فەدارتسيالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى رولف مافاەلمەن كەزدەستى. ايماق باسشىسى ەلشىگە قاراعاندى وبلىسىنىڭ گەرمانيامەن ارىپتەستىك قارىم-قاتىناس ورناتۋ باعىتىنداعى جۇمىستارى تۋرالى باياندادى. وبلىس اكىمى جىل باسىنان بەرى تاۋار اينالىمى 45 ميلليون دوللاردى قۇراعانىن, ونىڭ كوپ بولىگى يمپورت ارقىلى كەلەتىندىگىن باياندادى. ەكسپورتتالاتىن تاۋارلار قاتارىندا سۋتەگى, ينەرتتى گازدار بار.
- ەكىجاقتى قارىم-قاتىناستار تاجىريبەسى گەرمانيانىڭ سەنىمدى سەرىكتەس ءارى تۇراقتى ينۆەستور ەكەندىگىن اڭعارتادى. ءبىز گەرماندىق ينۆەستورلاردىڭ بىزگە جاڭا تەحنولوگيالار اكەلىپ, ءبىزدىڭ قازبا بايلىقتارىمىزدى وندىرۋگە اتسالىسۋىنا مۇددەلىمىز, - دەدى نۇرمۇحامبەت ابدىبەكوۆ.
گەرمانيالىق ارىپتەستەردىڭ قاتىسۋىمەن وبلىستا بىرقاتار ءوندىرىس وشاقتارى جۇمىس ىستەپ تۇر. ولاردىڭ قاتارىندا «سارىارقا» ارنايى ەكونوميكالىق ايماعىنداعى ارماتۋرا جانە قاپتالعان ترۋبا شىعاراتىن زاۋىت تا بار.
ءوز كەزەگىندە نەمىس ەلشىسى قاراعاندى وبلىسى ەۆرووداق ەلدەرىنىڭ قىزىعۋشىلىعىن وياتقان ەكونوميكالىق ايماق ەكەندىگىن اتاپ ءوتتى:
- قاراعاندى وبلىسىنىڭ ەكونوميكالىق پوتەنتسيالى مەن بۇل جەردە ەتنيكالىق نەمىستەردىڭ كوپ بولۋى, بىزگە ارىپتەستىك قارىم-قاتىناس ورناتۋعا مۇمكىندىك بەرەدى.
وبلىس اكىمى نەمىس ينۆەستورلارىن ارىپتەستىككە شاقىردى جانە ءبىلىم بەرۋ مادەنيەت سالاسىندا تاجىريبە الماسۋدى ۇسىندى.
ايماق باسشىسى ءدال وسى ۇسىنىستى مولدوۆا رەسپۋبليكاسىنىڭ توتەنشە جانە وكىلەتتى ەلشىسى دۋميترۋ براگيشەممەن كەزدەسۋىندە دە ايتتى.
وبلىس اۋماعىندا مولداۆا رەسپۋبليكاسىنىڭ كاسىپكەرلەرىنىڭ قاتىسۋىمەن 5 ءوندىرىس وشاعى جۇمىس ىستەپ تۇر. ولار قۇرىلىس, اۋىلشارۋاشىلىعى, ساۋدا, قايىرا وڭدەۋ جانە جىلجىمايتىن م ۇلىك نارىعىندا تانىلعان.
- ينۆەستورلارعا جاسالعان ءتيىمدى جاعدايلار, شيكىزات قورىنىڭ كوپ بولۋى, ءبىزدىڭ وبلىسىمىزدىڭ گەوگرافيالىق تۇرعىدان ءتيىمدى ورنالاسۋى – ايماعىمىزعا ينۆەستيتسيا تارتۋ ءۇشىن وڭ جايدايدى قالىپتاستىردى. مەن ەكىجاقتى قارىم-قاتىناس ورناتۋدا جانە ارىپتەستىكتى دامىتۋدا وزىندىك مۇدە بولاتىندىعىن بىلەمىن. سىزدەرى ءبىزدىڭ ەكونوميكامىزدىڭ ءتۇرلى سالاسىندا بىرلەسىپ ەڭبەك ەتۋگە شاقىرامىن, - دەدى قاراعاندى وبلىسىنىڭ اكىمى مولداۆيا رەسپۋبليكاسىنىڭ ەلشىسىنە.