قازاقستاندا جاستارعا ءوز-وزىنە قول جۇمساۋدى ۇگىتتەيتىن الەۋمەتتىك جەلىلەر مەن ينتەرنەت-رەسۋرستار انىقتالعان جاعدايدا, بىردەن جابىلادى.
«قازاقستان زاڭناماسىنا ساي كەلمەيتىن ماتەريالدار انىقتالعان جاعدايدا ينتەرنەت-رەسۋرستىڭ مەنشىكتى مەكەنجايىنا ولاردى جويۋ تۋرالى ەسكەرتۋ حاتى جىبەرىلەدى. مەنشىك يەسى بۇزۋشىلىقتاردى جويماعان جاعدايدا, كوميتەت «بايلانىس تۋرالى» قر زاڭىنىڭ 41-1-بابىندا كورسەتىلگەن تارتىپپەن بايلانىس وپەراتورىنا ينتەرنەت-رەسۋرستا جاريالانعان اقپاراتقا شەكتەۋ قويۋ تۋرالى ۇسىنىس ەنگىزەدى», – دەدى بايلانىس, اقپاراتتاندىرۋ جانە بۇقارالىق اقپارات قۇرالدارى سالاسىنداعى مەملەكەتتىك باقىلاۋ كوميتەتى.
سونىمەن قاتار مينيسترلىك «بۇقارالىق اقپارات قۇرالدارى تۋرالى» قر زاڭىنىڭ 13-بابى 3-تارماعىنا سايكەس ءسۋيتسيدتى ناسيحاتتايتىن ماتەريالداردى تاراتۋ زاڭنامادا بەكىتىلگەن تارتىپپەن بۇقارالىق اقپارات قۇرالىنىڭ شىعۋىنا توسقاۋىل قويۋعا نەگىز بولادى. وسىلايشا, زاڭنامادا ءسۋيتسيدتى ناسيحاتتاۋ بەلگىلەلەرى بار كەز كەلگەن ماتەريالدى باق-تا جاريالاۋعا تىيىم سالىنعان.
«اعىمداعى جىلدىڭ قاڭتارى مەن 25 قاراشاسىنا دەيىنگى كەزەڭدە كوميتەت ەسكەرتۋ جۇمىستارى اياسىندا «ۆكونتاكتە», «ودنوكلاسسنيكي» الەۋمەتتىك جەلىلەرىنىڭ جانە باسقا دا ينتەرنەت-رەسۋرستاردىڭ اكىمشىلەرىنىڭ مەكەن جايىنا جاستار اراسىنداعى ءسۋيتسيدتى ناسيحاتتاۋ بەلگىلەرى بار 211 اقپاراتتىق ماتەريالعا (ونىڭ 161-ءى الەۋمەتتىك جەلىلەردە ورنالاستىرىلعان) قاتىستى ەسكەرتۋ حاتىن جىبەردى. بۇگىنى تاڭدا اتالعان بارلىق ماتەريالدارعا قاتىستى ينتەرنەت-رەسۋرستاردىڭ مەنشىك يەلەلەرى ولاردى جويۋ نەمەسە قازاقستان اۋماعىندا كىرۋگە شەكتەۋ قويۋ شارالارىن قابىلدادى», – دەدى اقپارات جانە كوممۋنيكاتسيالار مينيسترلىگى.