بۇگىن استانادا قازاقستان فۋتبول فەدەراتسياسىنىڭ XIV كەزەكتەن تىس سايلاۋ كونفەرەنتسياسى ءوتىپ, جاڭا پرەزيدەنت تاعايىندالدى.
بۇدان بولەك, اتقارۋشى كوميتەتتىڭ جاڭا قۇرامى بەكىتىلدى. وسىعان دەيىن كوميتەتكە 25 ادام مۇشە بولعان ەدى. بۇل جولى 13 ادام ەندى. ولار: بايشاقوۆ سەيىلدا يكرام ۇلى, مەششەرياكوۆ نيكولاي يليچ, اۋباكىروۆ قانىش قايدار ۇلى, ابراەۆ ولجاس شاكەن ۇلى, ايتقوجين ازامات سەرىك ۇلى, گاريبيان رافاەل ەدۋاردوۆيچ ,تۇسىپبەكوۆ ءامىرجان نۇرىش ۇلى, قالەتاەۆ دارحان امان ۇلى, قاناعاتوۆ ەلسيار بايمۇحامەد ۇلى, ءابدۋبايىتوۆ باۋىرجان تويشىبەك ۇلى, ورازبەكوۆ قايرات ايتمولدا ۇلى,امىرەقۇلوۆ باقبەرگەن اۋەزحان ۇلى, ۋتروبين يگور ۆلاديميروۆيچ. بۇرىنعى قۇرامدا بولعان پرەزيدەنت اكىمشىلىگىنىڭ باسشىسى ادىلبەك جاقسىبەكوۆ, ءماجىلىس توراعاسى نۇرلان نىعماتۋلين, قر ۇلتتىق قاۋىپسىزدىك كوميتەتى توراعاسىنىڭ ورىنباسارى سامات ابىشەۆ, «قازاتومونەركاسىپ» كومپانياسىنىڭ باسشىسى اسقار جۇماعاليەۆ, مۋلتيميلليونەر ارمانجان بايتاسوۆ, «قايرات» فۋتبول كلۋبى باقىلاۋشىلار كەڭەسىنىڭ توراعاسى قايرات بورانباەۆ, «ورداباسى» كومانداسىنىڭ باس جاتتىقتىرۋشىسى باقتيار بايسەيىتوۆ جاڭا قۇرامعا ەنبەي قالدى.