بقو-نىڭ جەرگىلىكتى بيۋدجەتىنە 64 ملرد تەڭگە ءتۇستى. بۇل وتكەن جىلعىدان 9,2 ملرد تەڭگەگە ارتىق, دەپ حابارلادى قازاقپارات.
بقو بويىنشا مەملەكەتتىك كىرىستەر دەپارتامەنتىنەن تۇسكەن مالىمەتكە قاراعاندا, وڭىردە جەرگىلىكتى بيۋدجەت جوسپارى رەسپۋبليكادا العاشقىلاردىڭ ءبىرى بولىپ, اسىرا (103,5 پايىزعا) ورىندالدى.
جەرگىلىكتى بيۋدجەتكە ءتۇسىمنىڭ نەگىزىن (76 پايىزىن) تابىس جانە الەۋمەتتىك سالىق قۇرايدى. ەڭبەكاقى قورىنىڭ 11 پايىزعا جانە قوسىمشا تۇسىمدەردىڭ 150 پايىزعا كوبەيۋىنە بايلانىستى اتالمىش سالىقتار بويىنشا 48,3 ملرد تەڭگە ء(وسىم - 9,2 ملرد تەڭگە) بيۋدجەتكە ءتۇستى.
سالىق بازاسىن كەڭەيتۋ جانە تۇسىمدەردى كوبەيتۋ باعىتىندا الىنعان شارالاردىڭ ناتيجەسىندە قوسىمشا 3,8 ملرد تەڭگەنىڭ ءتۇسۋى قامتاماسىز ەتىلدى. بۇل وتكەن جىلعىدان 3 ەسەگە ارتىق. قوسىمشا تۇسىمدەردىڭ قوماقتى بولىگى (2,3 ملرد تەڭگە) سالىقتىق تەكسەرۋلەر ەسەبىنەن ءتۇستى. سونداي-اق, قورشاعان ورتا ەميسسياسى ءۇشىن تولەم 2,1 ملرد. تەڭگەنى قۇراسا, كامەرالىق تەكسەرۋ بويىنشا 1,1 ملرد تەڭگە, مەرزىمىندە تۇسپەگەن سالىقتى ءوندىرۋ ەسەبىنەن 525 ملن تەڭگە ءتۇستى.