ەلباسى قىتاي حالىق رەسپۋبليكاسىنىڭ توراعاسى سي تسزينپينگە كوڭىل ايتۋ جەدەلحاتىن جولدادى. بۇل تۋرالى akorda.kz حابارلادى.
مەملەكەت باسشىسى تسزيانسي ولكەسىنىڭ فەنچەن قالالىق وكرۋگىندە سالىنىپ جاتقان ەلەكتر ستانساسىندا بولعان اپات سالدارىنان كوپتەگەن ادامنىڭ قازا تاپقانى تۋرالى حاباردى زور كۇيزەلىسپەن قابىلدادى.
نۇرسۇلتان نازارباەۆ قازاقستان حالقىنىڭ جانە جەكە ءوزىنىڭ اتىنان سي تسزينپينگە, قازا بولعانداردىڭ وتباسىلارى مەن جاقىندارىنا كوڭىل ايتتى, سونداي-اق زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.