قحر-داعى قر ەلشىلىگى «Kempinski Beijing Lufthansa Centre» ورتالىعىندا قازاقستان تاۋەلسىزدىگىنىڭ 25-جىلدىعىنا جانە قر مەن قحر اراسىنداعى ديپلوماتيالىق بايلانىستىڭ ورناۋىنىڭ 25-جىلدىعىنا وراي سالتاناتتى قابىلداۋ وتكىزدى, دەپ حابارلايدى قازاقپارات.
ءىس-شاراعا 600-دەن استام ادام قاتىستى. ولاردىڭ قاتارىندا حالىقتىق ساياسي كونسۋلتاتيۆتىك كەڭەستىڭ بۇكىلقىتايلىق كوميتەتى توراعاسىنىڭ ورىنباسارى ۆان چجەنۆەي, قحر سىرتقى ىستەر ءمينيسترىنىڭ كومەكشىسى لي حۋەيلاي, شەنسي پروۆينتسياسى گۋبەرناتورىنىڭ ورىنباسارى تسزيان فەن, ورتالىق اسكەري كەڭەستىڭ, ءسىم, قحر كوممەرتسيا مينيسترلىگىنىڭ, حالىقارالىق ۇيىمداردىڭ, ديپلوماتيالىق كورپۋستىڭ (ديپلوماتيچەسكيح پرەدستاۆيتەلستۆ رەسەي, ۋكراينا, قىرعىزستان, تاجىكستان, وزبەكستان, ارمەنيا, ازەربايجان, مولدوۆا, گەرمانيا, لاتۆيا, پاكىستان, تۇركيا, برۋنەيا, ساۋد ارابياسى, اۋعانستان, بولگاريا جانە باسقا دە ەلدەردىڭ ديپلوماتيالىق وكىلدىكتەرىنىڭ جەتەكشىلەرى), بيزنەستىڭ, ساراپشىلىق قاۋىمداستىعىنىڭ, قىتايداعى قازاق دياسپوراسىنىڭ, باق-تىڭ وكىلدەرى سونداي-اق, قىتايدا تۇراتىن قازاقستاندىق ازاماتتار (ۇلتتىق كومپانيا قىزمەتكەرلەرى, ستۋدەنتتەر, شانحاي, سيان, ءۇرىمجى جانە باسقا دا قالالاردىڭ تۇرعىندارى) بار.
قازاقستان ءانۇرانى شىرقالعان سوڭ قحر-داعى قر توتەنشە جانە وكىلەتتى ەلشىسى شاحرات نۇرىشەۆتىڭ العىسوزىنەن كەيىن حالىقتىق ساياسي كونسۋلتاتيۆتىك كەڭەستىڭ بۇكىلقىتايلىق كوميتەتى توراعاسىنىڭ ورىنباسارى ۆان چجەنۆەي جينالعان قاۋىمدى قۇتتىقتادى. «قازاقستان – بۇل اۋقىمدى الەۋەتكە جانە كەڭ دامۋ مۇمكىنشىلىكتەرىنە يە ەل. تاۋەلسىزدىكتىڭ 25 جىلدىعىندا قازاقستان ەكونوميكالىق ورلەۋدى جۇزەگە اسىردى. قازىرگى ۋاقىتتا قازاقستاننىڭ وركەندەۋى جانە قالىپتاسۋى ءۇشىن «نۇرلى جول» باعدارلاماسىن جۇزەگە اسىرۋدا جانە «قازاقستاندىق ارمانعا» بەت الدى», – دەدى ول بارشا قازاقستاندىقتاردى تاۋەلسىزدىكتىڭ 25-جىلدىعىمەن قۇتتىقتاي وتىرىپ. مۇنان سوڭ شاحرات نۇرىشەۆ سالتاناتتى جاعدايدا قىتايدىڭ حالىقارالىق ماسەلەلەر جونىندەگى كەڭەسىنىڭ توراعاسى, قر-داعى تۇڭعىش قحر ەلشىسى (1992-1993 جىلدارى), شىۇ تۇڭعىش باس حاتشىسى چجان دەگۋانعا «قازاقستان رەسپۋبليكاسىنىڭ تاۋەلسىزدىگىنىڭ 25-جىلىدعى» مەرەيتويلىق مەدالىن تابىس ەتتى.
بۇدان كەيىن شاحرات نۇرىشەۆ پەن ۆان چجەنۆەي «Made in Kazakhstan» كورمەسىندە قويىلعان قازاقستاندىق ازىق-ت ۇلىك جانە اۋىل شارۋاشىلىعى ونىمدەرىمەن تانىستى (ەت, بالىق, بال, ءسۇت, ماكارون جانە كونديتەرلىك ونىمدەر, ۇن, وسىمدىك مايى جانە باسقالارى). كورمەدە قازاقستاننىڭ 11 وڭىرىنەن 25 كومپانيا ءونىمى ۇسىنىلدى.
مەرەكەلىك كەشتە «سازگەن سازى» فولكلورلىق-ەتنوگرافيالىق ءانسامبلى, «تۇران» ەتنو-فولكلورلىق ءانسامبلى, «ديونيس» شوۋ-بالەتى, «IL Canto» كۆارتەتى, وپەرا ءانشىسى, حالىقارالىق بايقاۋلاردىڭ لاۋرەاتى بەرەكە ەڭكەباەۆا, انشىلەر راسۋل جارماعامبەتوۆ, بولات قاناعاتوۆ, فارحات كوبيەۆ, ءلايلا باقىتنۇرقىزى جانە اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ جەتەكشىسى ءسوليسى دۋلات توقانوۆتار ونەر كورسەتتى.