كوكشەتاۋدا جاڭا جىلعا بيىكتىگى 22 مەترلىك شىرشا ورناتىلادى, دەپ حابارلادى قالا اكىمدىگىنىڭ ءباسپاسوز قىزمەتى.
وبلىستىڭ باستى شىرشاسى تəۋەلسىزدىك الاڭىندا ورناتىلماق. قازىرگى كەزدە, مۇندا مۇز قالاشىعىنىڭ قۇرىلىسى قارقىندى جۇرگىزىلىپ جاتىر. قالا باسشىلىعى بيىلعى مۇز قالاشىعىن جىلداعىدان وزگەشە, əسەم ەتىپ جاساماق. ونى əزىرگە, قۇپيا ۇستاپ وتىر.
قازىردىڭ وزىندە تەمىرجول ۆوكزالىنىڭ الاڭىندا بيىكتىگى 12 مەترلىك شىرشا ورناتىلعان. سونىمەن قاتار, «دوستار» مəدەنيەت سارايىنىڭ الدىندا 20 مەترلىك, تəۋەلسىزدىك الاڭىندا 22 مەترلىك باستى شىرشا ورناتىلادى.