ريددەر قالاسىندا ەل تاۋەلسىزدىگى كۇنىندە 200 ورىندى كوپسالالى سپورت كەشەنى اشىلدى. بارلىق جوعارعى تالاپتارعا ساي قۇرالدارمەن جابدىقتالعان كەشەن ءبىر مەزەتتە بىرنەشە سپورت تۇرىنەن جاتتىعۋ جۇمىستارىن جۇرگىزە الادى.
كەشەننىڭ اشىلۋ سالتاناتىنا قاتىسقان شقو اكىمىنىڭ ورىنباسارى قۋات تۇماباەۆ ريددەر قالاسىنىڭ تۇرعىندارىن تاۋەلسىزدىك كۇنىمەن قۇتتىقتاپ, تىلەگىن ءبىلدى.
قۇنى 180 ملن تەڭگە قۇراعان كەشەندە باسكەتبول, فۋتبول, ۆولەيبول, جەڭىل اتلەتيكا, كۇرەس, دزيۋدو سىندى سپورت تۇرلەرىنەن جاتتىعۋ جۇمىستارى جۇرگىزىلەدى. بۇدان بولەك, مۇندا كوركەم گيمناستيكا مەكتەبىن اشۋ جوسپارلانىپ وتىر.
«جاستاردىڭ كوركەم گيمناستيكاعا قىزىعۋشىلىعى ارتىپ كەلەدى. سول ءۇشىن اتالعان الداعى ۋاقىتتا كوركەم گيمناستيكا مەكتەبىن اشۋ جوسپارىمىزدا بار», – دەدى ريددەر قالالىق مادەنيەت, تىلدەردى دامىتۋ, دەنە شىنىقتىرۋ جانە سپورت ءبولىمىنىڭ باسشىسى الماس نۇرعاليەۆ.