تۇركيانىڭ كايسەري قالاسىندا بولعان تەراكت كەزىندە زارداپ شەككەن قازاقستاندىقتار جوق, دەپ حابارلايدى قازاقستاننىڭ سىرتقى ىستەر مينيسترلىگىنىڭ ءباسپاسوز حاتشىسى ءانۋار جايناقوۆ.
«الدىن الا اقپاراتقا سۇيەنسەك, تۇركيانىڭ كايسەري قالاسىندا بولعان تەراكت كەزىندە زارداپ شەككەن جانە قازا تاپقان قازاقستاندىقتار جوق», – دەدى ءا.جايناقوۆ.
ايتا كەتەيىك, كايسەري قالاسىنداعى ۋنيۆەرسيتەتتەردىڭ ءبىرىنىڭ جانىنداعى ايالدامادا جارىلىس بولعان. تۇركيا بيلىگىنىڭ ايتۋىنشا, جارىلعان اۆتوبۋستا اسكەريلەر وتىرعان ەدى. الدىن الا مالىمەتكە سۇيەنسەك, ون ءۇش اسكەري قازا تاۋىپ, 48 ادام جاراقات العان.