تۇركيادا اسكەريلەردىڭ اۆتوبۋسى جارىلىپ, 13 قازا بولدى

فوتو رەيتەر

تۇركيانىڭ ورتالىق ايماعىنداعى كايسەري قالاسىندا اسكەريلەر مىنگەن اۆتوبۋس جارىلدى. بۇل تۋرالى رەيتەر حابارلايدى. اۆتوبۋس جارىلعىش زاتتار قويىلعان ماشينانىڭ جانىنان ءوتىپ بارا جاتقان كەزدە جارىلىس بولعان. كەي مالىمەتتەر بويىنشا, قاندى وقيعا سالدارىنان 13 ادام قازا بولىپ, 48-ءى جارالانعان. تۇرىك تەلەارنالارى تاراتىپ جاتقان كادرلاردان اۆتوبۋستىڭ تۇتاس ورتەنىپ كەتكەنى كورىنەدى. ەلدىڭ باس شتابى وقيعانى «تەراكت» دەپ باعالادى. «08.45-تە اسكەردەن جاڭا بوساعان سولداتتار مەن ەفرەيتورلار مىنگەن ماشيناعا باعىتتالعان تەراكت سالدارىنان 13 اسكەري جولداسىمىز قازا بولىپ, 48 ادام جارالاندى. جارالىلار اۋرۋحانالارعا جەتكىزىلدى. زارداپ شەككەندەر اراسىندا بەيبىت تۇرعىندار بولۋى مۇمكىن» دەلىنگەن باس شتاب تاراتقان حابارلامادا. ءبىر اپتا بۇرىن, 10 جەلتوقساندا ستامبۋلدا بولعان تەراكتىلەر سالدارىنان 40 ادام قازا تاۋىپ, 150-ءى جاراقات العان بولاتىن