وڭىرلىك كاسىپكەرلەر پالاتاسىندا ەل تاۋەلسىزدىگىنىڭ 25 جىلدىعىن مەرەكەلەۋ اياسىندا سقو الەۋمەتتىك-ەكونوميكالىق دامۋىنا ۇلەس قوسقان بيزنەسمەندەردى ماراپاتتادى, دەپ حابارلادى قازاقپارات.
سقو كپ ديرەكتورىنىڭ ورىنباسارى مارات ىسقاقوۆ كاسىپكەرلەر پالاتاسى جۇمىسىنىڭ قورىتىندىسىن شىعارا كەلە, 3 جىلدا پالاتا مەن ونىڭ فيليالدارىنا 10 مىڭنان استام كاسىپكەرلەردىڭ ءوتىنىشى تۇسكەنىن اتاپ ءوتتى. ونىڭ جارتىسىنا جۋىعىنىڭ قۇقىقتىق سيپاتى بار. وسى ۋاقىت ىشىندە سولتۇستىكقازاقستاندىق بيزنەسمەندەردىڭ قۇنى 500 ملن تەڭگەدەن استاتىن شارالار بويىنشا مۇددەلەرى قورعالعان. كاسىپكەرلەر پالاتاسىنىڭ ۇسىنىسى نەگىزىندە وبلىس پروكۋراتۋراسى مەملەكەتتىك ورگانداردىڭ زاڭسىز ارەكەتتەرى بويىنشا 35-تەن استام پروكۋرورلىق نازار اۋدارۋ اكتىلەرى ەنگىزىلدى.
«ءبىز ماڭىزدى مەرەكە - تاۋەلسىزدىكتىڭ 25 جىلدىعىندا كەزدەسىپ وتىرمىز. پالاتانىڭ نەگىزگى مىندەتتەرىنىڭ ءبىرى بيزنەس سۋبەكتىلەرىنىڭ قۇقىقتارى مەن زاڭدى مۇددەلەرىن قورعاۋ جانە كاسىپكەرلىك قىزمەتتى قالىپتى جۇرگىزۋگە كەدەرگى كەلتىرەتىن اكىمشىلىك توسقاۋىلداردى انىقتاۋ بولىپ تابىلادى. پالاتانىڭ نەگىزى قالانعان ساتتەن باستاپ قول جەتكىزگەن ناتيجەلەر بيزنەس وكىلدەرىمەن ءتيىمدى ءوزارا جۇمىس ىستەمەگەندە ءساتتى بولماس ەدى», - دەدى م. ىسقاقوۆ.
وبلىستىڭ قوعامدىق ومىرىنە بەلسەندى قاتىسۋعا جانە الەۋمەتتىك-ەكونوميكالىق دامۋعا ەلەۋلى ۇلەس قوسقانى ءۇشىن سقو اكىمى العىس حاتىمەن اللا سوكول («سوكول» ساۋدا كەشەنى» جشس), اكك وقىتۋشىسى يۆان سليپەتسكي ماراپاتتالدى. قر پرەزيدەنتىنىڭ «التىن ساپا» سىيلىعى بايقاۋىنا بەلسەندى قاتىسقانى ءۇشىن «اتامەكەن» ۇكپ پرەزيديۋمىنىڭ توراعاسى تيمۋر ق ۇلىباەۆتىڭ العىس حاتىمەن «كيروۆ» اتىنداعى زاۋىت» اق, فيرما الەكري» جشس, «AVAGRO» جشس, سقو كاسىبي-پەداگوگيكالىق كوللەدجى مارپاتتالدى. الەۋەتتى, جاڭادان باستاعان, جۇمىس ىستەپ جۇرگەن كاسىپكەرلەردى تالىمگەرلىك قاعيداتتارمەن «جوبالىق وقىتۋ» كومپونەنتىن ىسكە اسىرۋدا ىنتىماقتاستىعى ءۇشىن كاسىپكەرلەر پالاتاسىنان العىس حاتتى «ابۆگدەيكا» بالالاردى زياتكەرلىك دامىتۋ ورتالعىنىڭ باسشىسى ولگا جاركوۆا, سقمۋ «اۋىل شارۋاشىلىعى» كافەدراسىنىڭ دوتسەنتى اقان ءجۇنىسوۆ, «سقو رەستوراتورلار مەن وتەلەرلەر قاۋىسداستىعىنىڭ» توراعاسى سايران حامزين مارپاتتالدى. تاعى 16 سۋبەكتى كپ العىس حاتىن الدى.