ەلوردادا شىرشا ساتاتىن بازارلار اشىلدى

استانادا قىلقانجاپىراقتى تالدار ساتىلاتىن ورىندار بەلگىلى بولدى, دەپ حابارلايدى استانا اكىمدىگىنىڭ سايتى. بۇگىنگى تاڭدا قىلقانجاپىراقتى اعاشتاردى استاناداعى «سالەم» ورتالىق بازارى, (تىلەنديەۆ داڭعىلى, الاش جولى), «استىقجان» ساۋدا ءۇيى (بەيسەكوۆ كوشەسى), «الما» ساۋدا ءۇي (رەسپۋبليكا داڭعىلى), «گۇلجان» ساۋدا ءۇيى (ابىلايحان داڭعىلى), «تۇلپار» ساۋدا ءۇيى ء(ۋاليحانوۆ كوشەسى), «استىقجان» ساۋدى ءۇيى (اقجول كوشەسى) ماڭىنداعى ارنايى بازارلاردان الۋعا بولادى. اعاش ساۋدالاۋشىلاردىڭ بارلىعىندا رەسەي فەدەراتسياسىنان شىرشالار مەن قاراعايلاردى جەتكىزۋگە رۇقسات بەرەتىن قۇجاتتار پاكەتى بار. استانانىڭ تابيعاتتى قورعاۋ پوليتسياسى قىلقانجاپىراقتى اعاشتاردى كەسۋ ارەكەتتەرىن قاتاڭ باقىلاۋدا ۇستاپ وتىر. بۇل باعىتتاعى جۇمىستار اسىرەسە ەلوردا ماڭىنداعى جاسىل بەلدەۋدە ەرەكشە نازارعا الىنعان. وسى ماقساتتا تابيعات قورعاۋ پوليتسياسى قىزمەتكەرلەرىنەن, «استانا ورمانى» مكك جانە «جاسىل ايماق» رمك جۇمىسكەرلەرىنەن ءموبيلدى توپتار جاساقتالدى. «استانا كوگالداندىرۋ» اق جۇمىسكەرلەرىمەن بىرلەسە وتىرىپ قالا ىشىندە ءوسىپ تۇرعان قىلقان جاپىراقتى اعاشتار وتىرعىزىلعان ورىندار تەكسەرىلۋدە. ءىىد «رۋبەج» ستاتسيونارلىق-باقىلاۋ بەكەتتەرىندە كەزەكشىلىك جۇرگىزىلەدى. قر قىلمىستىق كودەكسىنىڭ اعاشتار مەن بۇتالاردى زاڭسىز كەسۋ, جويۋ نەمەسە زاقىمداۋ 340-بابى بويىنشا قىلمىستىق جاۋاپكەرشىلىك قاراستىرىلعان.