اتموسفەرالىق فرونتتاردىڭ وتۋىنە بايلانىستى 14 مامىر كۇنى ەلدىڭ باسىم ايماعىندا تۇراقسىز كۇن رايى ساقتالادى.
كەي جەرلەردە جاڭبىر جاۋىپ, نايزاعاي وينايدى, سونداي-اق تۇمان مەن جەلدىڭ كۇشەيۋى كۇتىلەدى, وڭتۇستىكتە شاڭدى داۋىل بولادى. جاۋىن-شاشىنسىز اۋا رايى تەك باتىستا بولجانادى, دەپ حابارلايدى «قازگيدرومەت» رمك.
اقمولا, قىزىلوردا, پاۆلودار, قاراعاندى, كۇندىز سولتۇستىك قازاقستان وبلىستارىنىڭ كەي جەرلەرىندە جەلدىڭ ەكپىنى 15-20 م/س كۇشەيەدى.
قىزىلوردا وبلىسىندا شاندى داۋىل بولادى, قاراعاندى وبلىسىنىڭ جەكەلەگەن اۋماقتارىندا بۇرشاق كۇتىلەدى.
تۇندە جانە تاڭەرتەڭ قوستاناي وبلىسىنىڭ كەي جەرلەرىندە تۇمان بولجانادى.