قارجى باسقارماسىنا 2006 جىلى باس مامان بولىپ كەلگەن ول, ء بولىم مەڭگەرۋشىلىگىنە, 2013 جىلى باسقارما باسشىسىنىڭ ورىنباسارلىعىنا كوتەرىلدى. باسقارمانىڭ بۇرىنعى باسشىسى ساۋلە ايماعامبەتوۆا وبلىستىق ارحيۆتەر جانە قۇجاتتاما باسقارماسىنىڭ باسشىلىعىنا تاعايىندالدى. ۆەدومستۆونىڭ ول اۋىستىرعان بۇرىنعى باسشىسى گۇلجان مەڭدەكەنوۆا تىلدەردى دامىتۋ باسقارماسىنىڭ باسشىلىعىنا باردى, ونىڭ ورنىنداعى جانبولات ۇمبەتوۆ ءدىن ىستەرى جونىندەگى باسقارمانى باسقاراتىن بولدى. وبلىستىق دەنەشىنىقتىرۋ جانە سپورت باسقارماسىنىڭ باسشىسى سەرگەي ماتۆيەنكو «كادرلاردى كولدەنەڭ روتاتسيالاۋعا» بايلانىستى ورنىن بوساتتى.
«قر مەملەكەتتىك قىزمەت تۋرالى» زاڭىنىڭ 64-بابىنا سايكەس 2017 جىلدىڭ مامىر ايىنان بەرى وبلىستا ءبىرىنشى رەت كولدەنەڭ روتاتسيا جۇرە باستادى. وندا باسشىعا ءوز لاۋازىمىنا بالاما قىزمەت ۇسىنىلادى. سوندىقتان كولدەنەڭ روتاتسيا دەپ اتالادى. قوستانايدا وسىعان دەيىن اۋىستىرىلعان ءتورت باسشى وسى روتاتسيانىڭ العاشقى قارلىعاشتارى سانالادى. ولاردىڭ تورتەۋى دە ءوز لاۋازىمدارىندا ون جىلدان اسا وتىرعان. ال اتالعان زاڭ بويىنشا باسشىعا ءۇش جىلدان كەيىن ۇسىنىس جاسالادى, ەگەر ول وزگە قىزمەتكە بارعىسى كەلمەسە, تاعى دا ءۇش وتىرۋعا قۇقى بار. ال التى جىلدان كەيىن ءماجبۇر اۋىستىرىلادى.
كولدەنەڭ روتاتسيا 2017 جىلدىڭ اياعىنا دەيىن جۇرگىزىلەدى.
ءنازيرا جارىمبەتوۆا,
«ەگەمەن قازاقستان»
قوستاناي