مەڭدىعارا اۋدانىنىڭ اكىمى بولىپ ەرلان تەمەنوۆ تاعايىندالدى. ال مەڭدىعارا اۋدانىن وسىعان دەيىن باسقارعان ۆيكتور يونەنكو قاراسۋ اۋدانىنىڭ اكىمى بولىپ اۋىستى.
بۇرىن مەملەكەتتىك قىزمەتتە دە, جەكەمەنشىك قۇرىلىمدا دا قىزمەت ەتكەن ۆيكتور يونەنكو دەنيسوۆ اۋدانىن, ودان كەيىن مەڭدىعارا اۋدانىن 2015 جىلدان باسقارعان بولاتىن.
ال ەرلان تەمەنوۆكە ءبىرىنشى رەت اۋداندى باسقارۋعا سەنىم كورسەتىلىپ وتىر. ول بۇرىن ارقالىق قالاسى اكىمىنىڭ, قوستاناي قالاسى اكىمىنىڭ ورىنباسارى قىزمەتتەرىن اتقاردى. ول ەكى قالادا دا جاۋاپتى تۇرعىن ءۇي-كوممۋنالدىق شارۋاشىلىعىنا جاۋاپ بەردى. وبلىس اكىمى ارحيمەد مۇحامبەتوۆ ونىڭ تياناقتى, جاۋاپكەرشىلىگى مول, ءبىلىمدى ەكەنىن باعالاي وتىرىپ, اۋداندى باسقارۋعا سەنىم كورسەتكەنىن ايتتى.
ءنازيرا جارىمبەتوۆا «ەگەمەن قازاقستان»