قىزىلجار وڭىرىندە قازاقستان رەسپۋبليكاسى كوشى-قون زاڭناماسىن ورەسكەل بۇرمالايتىن شەتەلدىكتەر ءجيى كەزدەسەدى. جۋىردا سولاردىڭ ءبىر توبىنا شارا قولدانىلدى.
اكىمشىلىك زاڭنامالارعا مويىنۇسىنباعانى ءۇشىن وزگە ەلدەردىڭ 7 ازاماتىن ەل اۋماعىنان الاستاتۋ جونىندە سوت شەشىمى قابىلداندى. ەندى ولار قازاقستانعا 5 جىل بويى جولاي المايدى. ماسەلەن, 45 جاستاعى رەسەي فەدەراتسياسىنىڭ ازاماتى سپيرتتىك ىشىمدىك ءىشىپ, جول ەرەجەسىن بۇزعانى ءۇشىن بىرنەشە رەت جاۋاپقا تارتىلعان. ال رۇقساتسىز ساۋدامەن اينالىسقان وزبەكستان ازاماتى زاڭسىز تۇرىپ كەلگەن.
تەكسەرۋ بارىسىندا قازاقستاندى تاستاپ كەتۋى ءتيىس 6 شەتەلدىكتىڭ ء تۇرلى سەبەپتەرمەن سوت قاۋلىسىن ورىنداماعانى انىقتالدى. ەندى ولار قىلمىستىق جاۋاپقا تارتىلۋى مۇمكىن. جىل باسىنان بەرى وسىنداي سيپاتتا 8 قىلمىستىق ءىس قوزعالعان.
بيىل وبلىس اۋماعىنان 54 شەتەلدىك شىعارىلعان.
ءومىر ەسقالي
«ەگەمەن قازاقستان»