اۋەلگىسى − «بەلگىسىز سولدات» ەسكەرتكىشى. بۇل تاس ءمۇسىننىڭ قايتادان جاڭارتىلىپ, جاڭعىرۋىنا «تۋعان جەرگە تاعزىم» اكتسياسى اياسىندا جەكە كاسىپكەر قابىلان ۋاتاەۆ ءوز ۇلەسىن قوسقان كورىنەدى. ەكىنشى ەسكەرتكىش اۋىلداعى مەكتەپتىڭ الدىنا ورناتىلدى. بۇل ەڭسەلى ەسكەرتكىش جوڭعار شاپقىنشىلىعى كەزىندە ەرلىگىمەن كوزگە تۇسكەن شىڭقوجا باتىر بازارقۇل ۇلىنىڭ قۇرمەتىنە اشىلدى. سونىمەن قاتار, بۇل كۇنى ۇلى وتان سوعىسىنىڭ ارداگەرلەرى مەن اۋعان سوعىسىنىڭ قاھارمانى, قىزىل جۇلدىز وردەنىنىڭ يەگەرى ا.قالياسقاروۆتىڭ ەسكەرتكىشتەرىنە مەكتەپ وقۋشىلارى گۇل شوقتارىن قويىپ, بىرقاتار تىل ارداگەرلەرىنە سىي-سياپات جاسالىپ, قۇرمەت كورسەتىلدى. ءىس-شارا سوڭىندا بوزداقتارعا ارنالىپ قۇران قاتىم ءتۇسىرىلدى. رەتى كەلگەندە ايتا كەتەيىك, ۇلى وتان سوعىسىنا اياگوز اۋدانىنان 4811 ازامات اتتانىپ, سونىڭ 2337-ءسى عانا امان-ەسەن ەلگە ورالعان. ال شىڭعوجا اۋىلىنان مايدان دالاسىنا 200-دەن استام جاۋىنگەر جول تارتىپ, جارتىسىنا جۋىعىنا تۋعان جەر توپىراعىن قايتا باسۋ باقىتى بۇيىرماعان ەكەن.
ازامات قاسىم, «ەگەمەن قازاقستان» شىعىس قازاقستان وبلىسى, اياگوز اۋدانى