قىزمەتكەرلەر قىزمەت اتقارۋ تاسىلدەرى, تەكسەرۋلەر جۇرگىزۋ, سونداي-اق شەت تىلدەرىن وقۋ كۋرستارى بويىنشا ءتيىستى دايىندىقتان وتكەن, ولار استانا قالالىق ءىىد-ءنىڭ قىزمەتكەرلەرىنە ەلوردا اۋماعىندا قۇقىقتىق ءتارتىپتى ساقتاۋ جانە جول قاۋىپسىزدىگىن قامتاماسىز ەتۋگە كومەكتەسەتىن بولادى. اعىمداعى جىلعى 11 مامىردا ىشكى ىستەر ءمينيسترىنىڭ ورىنباسارى, پوليتسيا گەنەرال-مايورى ە.تۇرعىمباەۆتىڭ قاتىسۋىمەن جەكە قۇرامنىڭ ساپتىق بايقاۋى ءوتتى. بايقاۋدا تەحنيكالار, ىشكى ىستەر ورگاندارى قىزمەتكەرلەرىنىڭ سىرتقى كەلبەتى, ەكيپيروۆكالارى دا تەكسەرىلدى. وڭىردەن كەلگەن قوسىمشا كۇشتەر جاڭا كيىممەن, بەينە-جەتوندارمەن, كەۋدە بەلگىلەرىمەن, اعىلشىن جانە باسقا دا تىلدەردەگى سوزدىكتەرمەن قامتاماسىز ەتىلدى. استاناننىڭ اۋماعىنا پاترۋلدەۋ جۇرگىزۋ ءۇشىن قوسىمشا پاترۋلدىك اۆتوكولىكتەر, قاجەتتى تەحنيكالىق قۇرالدار جەتكىزىلدى. جەكە قۇرامعا قىزمەتتىك ەتيكانى بۇلجىتپاي ورىنداۋ جانە استانانىڭ تۇرعىندارى مەن قوناقتارىنا سىپايىلىق تانىتۋ, مۇقيات قارىم-قاتىناستا بولۋ, زاڭدىلىق پەن ءتارتىپتى بۇزۋ فاكتىلەرىنە جول بەرمەۋ ماسەلەلەرى باسا ايتىلدى. ءىىم ورتالىق اپپاراتى قىزمەتكەرلەرىنىڭ تاراپىنان جەكە قۇرامنىڭ قىزمەتىن كۇندەلىكتى تەكسەرۋ ءۇشىن كومەنداتتىق پاترۋلدەر قۇرىلدى.
حالىقارالىق مامانداندىرىلعان ەكسپو-2017 كورمەسىنە دايىندىق جانە ونى وتكىزۋ كەزىندەگى جۇمىستارعا كومەكتەسۋ ءۇشىن استاناعا وڭىرلىك ءىىد-تەرىنىڭ 500 قىزمەتكەرى كەلدى, دەپ حابارلادى قازاقستان رەسپۋبليكاسى ءىىم ءباسپاسوز قىزمەتى.