ونىڭ ايتۋىنشا, سەرۆيستىك قىزمەت كورسەتەتىن ءاربىر تۋريستىك نىسانعا «باتىس ەۋروپا – باتىس قىتاي» بويىنان شامامەن 10 نەمەسە 20 گەكتار جەر بولىنەتىن بولادى. بۇگىندە حالىقارالىق ستاندارتقا ساي كەلەتىن تۋريستىك قىزمەتتەردى قۇرۋ جونىندەگى جوبا ەگجەي-تەگجەيلى جوسپارلانىپ جاسالىنۋدا.
سونىمەن قاتار, بريفينگتە ءسوز العان «قازاۆتوجول» ۇلتتىق كومپانياسى» اكتسيونەرلىك قوعامىنىڭ باس ينجەنەرى مىڭجاساروۆ نۇربول «باتىس ەۋروپا – باتىس قىتاي» حالىقارالىق ءدالىزىنىڭ وبلىس ارقىلى وتەتىن بولىگىنىڭ ۇزىندىعى 372,5 شاقىرىمدى قۇرايتىنىن اتاپ ءوتتى.
«وبلىس اۋماعى ارقىلى وتەتىن حالىقارالىق كولىك دالىزىنىڭ بولىكتەرى 2016 جىلى شىمكەنت-تاراز, 2017 جىلى شىمكەنت-تاشكەنت باعىتتارىنىڭ قۇرىلىسى تولىعىمەن اياقتالۋى جوسپارلانعان. وسىعان وراي, قازىرگى تاڭدا, جول بويىنداعى قۇرىلىستاردىڭ زاڭدىلىعىن ساقتاۋدى باقىلاۋ جانە رەتتەۋ جۇمىستارى جۇرگىزىلۋدە. ماسەلەن, جالپىعا ورتاق پايدالانىلاتىن اۆتوموبيل جولدارى بويىنان بولىنگەن بەلدەۋ شەگىندە (70م.) عيماراتتار مەن قۇرىلىستار سالۋعا, سونداي-اق ينجەنەرلىك كوممۋنيكاتسيالار توسەۋگە تىيىم سالىنادى», دەدى ن.مىڭجاساروۆ.
بريفينگتە ءمالىم بولعانداي «باتىس قىتاي – باتىس ەۋروپا» ءدالىزىنىڭ بويىندا 440 قىزمەت كورسەتۋ نىساندارى ورنالاسقان بولسا, ونىڭ ىشىندە, 348 نىسان حالىقارالىق ستاندارتقا ساي سالىنباعانى انىقتالعان. بۇدان بولەك, حالىقارالىق كولىك ءدالىزىنىڭ بويىندا ء(ۇش باعىتتا) 18 ەلدى مەكەن, ياعني, 500-دەن اسا جەكە تۇرعىن ۇيلەر مەن 41 جانار-جاعارماي قۇيۋ بەكەتتەرى ورنالاسقان.
وسىنداعى جەكە تۇرعىن ۇيلەردىڭ قاس-كەلبەتتەرىن جاڭالاۋ ماسەلەلەرى بويىنشا بىرقاتار ۇسىنىستار ەنگىزىلىپ وتىر. 2018 جىلدىڭ 1 شىلدەسىنە دەيىن ۇلتتىق ستاندارتقا سايكەس بارلىق نىسانداردىڭ قۇرىلىس زاڭدىلىقتارىن ساقتاي وتىرىپ, تالاپقا ساي بولۋىن قامتاماسىز ەتۋ كوزدەلۋدە.