ال جاۋىن-شاشىننىڭ ايلىق مولشەرى كليماتتىق نورما شاماسىندا (نورما:35 مم) بولجانىپ وتىر. ەلوردادا جاڭبىرلى اۋا رايى 13 مامىردا كەلەدى. بۇل كۇنى كوشپەلى بۇلت شىعىپ, كۇندىز جاڭبىر جاۋادى. سولتۇستىك, سولتۇستىك-باتىستان 9-14 م/س جىلدامدىقپەن جەل تۇرادى. اۋا تەمپەراتۋراسى تۇندە 7-12 گرادۋس جىلى, كۇندىز + 22-27 گرادۋس.
14 مامىردا كوشپەلى بۇلت شىعىپ, كۇن كۇركىرەپ, جاڭبىر جاۋادى. وڭتۇستىك-باتىستان جەل تۇرادى, 9-14 م/س. اۋا تەمپەراتۋراسى تۇندە 5-10 گرادۋس جىلى, كۇندىز 20-25 گرادۋس جىلى. 15 مامىر كۇنى دە وسىنداي اۋا رايى بولجانىپ وتىر. كوشپەلى بۇلت شىعادى, كۇن كۇركىرەپ, جاڭبىر جاۋادى. وڭتۇستىك-باتىستان جەل تۇرادى, 9-14 م/س. اۋا تەمپەراتۋراسى تۇندە 5-10 گرادۋس جىلى, كۇندىز 17-22 گرادۋس جىلى. 16 مامىردا قالادا قاتتى جاڭبىر جاۋادى, شىعىستان قاتتى جەل تۇرادى, 9-14 م/س. اۋا تەمپەراتۋراسى تۇندە 2-7 گرادۋس جىلى, كۇندىز 15-20 گرادۋس جىلى.
17 مامىردا ەلوردادا كوشپەلى بۇلت شىعادى, جاۋىن-شاشىنسىز. اۋا تەمپەراتۋراسى تومەندەيدى. تۇندە 0-5 گرادۋس جىلى, كۇندىز 12-17 گرادۋس جىلى.
18-20 مامىر ارالىعىندا جاڭبىرلى اۋا رايى قايتا ورالادى. اۋا تەمپەراتۋراسى تۇندە 0 گرادۋس شاماسىندا, كۇندىز +17 گرادۋسقا دەيىن كوتەرىلەدى. وڭتۇستىك-باتىستان سوققان جەل سولتۇستىك-باتىسقا اۋىسادى, 9-14 م/س. 21- 24 مامىر ارالىعىنداعى كەزەڭدە قالادا جاۋىن-شاشىنسىز, اۋا تەمپەراتۋراسى 22 گرادۋسقا دەيىن ىسيدى. الايدا 25 - 31 مامىر ارالىعىندا جاڭبىر جاۋىپ, جەلدىڭ كۇشى 15-20 م/س دەيىن جەتەدى. اۋا تەمپەراتۋراسى تۇندە 6-11 گرادۋس جىلى, كۇندىز 20-25 گرادۋس جىلى.
ەلوردا اكىمدىگى قالا تۇرعىندارى مەن قوناقتارىنا ەسكەرتەدى: جاۋىن-شاشىنعا بايلانىستى قالانىڭ كوممۋنالدىق قىزمەتتەرى كۇشەيتىلگەن رەجيمگە كوشىرىلىپ, سۋ تاسقىندارىنا قارسى شارالار جۇرگىزىلەدى. ازاماتتاردىڭ وتىنىشتەرىن قابىلداۋ ءۇشىن قالالىق 109 قىزمەتىمەن بىرگە ءۇش اۋداندا حالىقتان وتىنىشتەر قابىلدايتىن ديسپەتچەرلىك قىزمەتتەر قۇرىلادى: «الماتى» اۋدانى 48-43-37, «ەسىل» اۋدانى 48-43-26, «سارىارقا» اۋدانى 48-43-92, توتەنشە جاعدايلار كەزىندە 54-58-19,38-57-09 نومەرلەرىمەن ورتالىق ديسپەتچەرلىك قىزمەتكە حابارلاسۋعا بولادى.