تۇركى اكادەمياسى xالىقارالىق ۇيىمىنىڭ (TWESCO) باسشىسى دارxان قىدىرالى ىستامبۇلدا حالىقارالىق "تۇركى الەمىنە قىزمەت" سىيلىعىمەن ماراپاتتالدى, دەپ حابارلادى ۇيىمنىڭ ءباسپاسوز قىزمەتى.
"جىبەك جولى" ستراتەگيالىق زەرتتەۋ ورتالىعى مەن "جىبەك جولى" جۋرنالى تاراپىنان تاعايىندالعان جۇلدە "جىلدىڭ ۇزدىك ادامدارىن ماراپاتتاۋ" كەشىندە تابىس ەتىلدى.
سالتاناتتى شاراعا تۇركى الەمىنىڭ ون مەملەكەتىنەن كەلگەن كورنەكتى تۇلعالار, قوعام جانە مادەنيەت قايراتكەرلەرى مەن زيالى قاۋىم وكىلدەرى قاتىستى.
د.قىدىرالىنىڭ ماراپاتىن ۇيىمداستىرۋشىلار TWESCO-نىڭ تۇراقتى جاۋاپشى xاتشىسى ا.كەسىكباەۆقا تابىس ەتتى.
ايتا كەتۋ كەرەك, بيىل 13-ءشى رەت وتكىزىلگەن سالتاناتتى كەشتە جىل بويى قوعامنىڭ ءتۇرلى سالالارىندا ەرەن ەڭبەگىمەن, ەلەۋلى جەتىستىكتەرىمەن كوزگە تۇسكەن قايراتكەرلەر بىرنەشە نوميناتسيالار بويىنشا ماراپاتتالادى.