بالاسى بار ادامدار ۇزاق ءومىر سۇرەدى - شۆەد عالىمدارى

شۆەد عالىمدارى 1,5 ملن ادامدى باقىلاۋ ناتيجەسىندە بالاسى بار ادامنىڭ ءومىرى ۇزاق بولاتىنىن انىقتادى, دەپ جازادى ۆۆس. زەرتتەۋشىلەر بىرنەشە جىلدار بويى 60 جاسقا تولعان ادامداردىڭ ءومىر ءسۇرۋ ۇزاقتىعىن باقىلاپ, بالاسى بار ادامداردىڭ ءسابي سۇيمەگەندەرگە قاراعاندا ءومىرى ۇزاعىراق بولاتىندىعىن بايقاعان. بۇل زەرتتەۋ Journal of Epidemiology & Community Health جۋرنالىندا جاريالاندى. زەرتتەۋ قورىتىندىسىندا ءومىر ءسۇرۋ ۇزاقتىعىنا بالالاردىڭ اسەرى تۋرالى ايتىلماعان. دەگەنمەن, زەرتتەۋشىلەر اتا-اناعا بالالاردىڭ كومەك كورسەتىپ, قامقورلىق تانىتۋى ءومىر ءسۇرۋ ۇزاقتىعىنا اسەر ەتەتىنىن ايتادى.