جوعارى حوككەي ليگاسىنداعى پلەي-وفف سىنىنىڭ 1/4 فينالىنا شىققان قازاقستاندىق قوس كلۋب – قاراعاندىنىڭ «سارىارقاسى» مەن وسكەمەننىڭ «تورپەدوسى» العاشقى ويىندارىن وتكىزدى.
قاراعاندىدا وتكەن ماتچتا «سارىارقا» رەسەيدىڭ «زاۋرالە» كومانداسىمەن كەزدەسىپ, 3:1 ەسەبىمەن باسىم ءتۇستى.
قوس كوماندانىڭ اراسىنداعى ماتچ قانشالىقتى تارتىستى ءوربىگەنمەن, ەسەپ تەك العاشقى كەزەڭنىڭ سوڭعى مينۋتىندا عانا اشىلدى. بۇل شايبانى «سارىارقا» ساپىنان ولەگ لوماكو ءوز ەنشىسىنە جازدى. كەزدەسۋدىڭ ەكىنشى كەزەڭى باستالار تۇستا ۆيتالي سموليانينوۆ قوناقتاردى تاعى ءبىر مارتە قاپى قالدىردى.
ماتچتىڭ سوڭعى بولىگىندە جانكۇيەرلەر ەكى گولدىڭ كۋاسى بولدى. الدىمەن, 52-مينۋتتا ارتۋر سارۆاروۆ باسىمدىقتى ارتتىرعان بولسا, نەگىزگى ۋاقىتتىڭ اياقتالۋىنا ءۇش مينۋت قالعاندا «زاۋرالە» ويىنشىسى ەۆگەني سۋليموۆ جالعىز گولدىڭ اۆتورى اتاندى.
قوس ۇجىمنىڭ اراسىنداعى تەكە-تىرەستە «سارىارقا» وسىلايشا العا شىقتى.
ءدال وسى سىندا ونەر كورسەتكەن وسكەمەننىڭ «تورپەدوسى» ءوز ايدىنىندا سانكت-پەتەربۋرگتىڭ «ديناموسىمەن» كۇش سىناسىپ, 2:3 ەسەبىمەن ەسە جىبەرىپ قويدى.
كەزدەسۋدەگى العاشقى گول 11-مينۋتتا سوعىلدى. تالعات جايلاۋوۆتىڭ ءناتيجەلى سوققىسىنان كەيىن شىعىسقازاقستاندىقتار ەسەپتە العا شىققان. الايدا, اراعا ەكى مينۋت سالىپ ارتۋر چۋۆيلياەۆ تارازى باسىن تەڭەستىرىپ كەتتى. ماتچتىڭ كەلەسى كەزەڭىندە ءبىر عانا شايبا سوعىلدى. بۇل تۇستا «تورپەدو» ساپىنان مايك دالحيويسەن مەرگەندىگىمەن تانىلدى.
ويىننىڭ سوڭعى بولىگى جەرلەستەرىمىز ءۇشىن ويداعىداي اياقتالا قويمادى. سەبەبى, تورەشىنىڭ ىسقىرىعى ەستىلە سالىسىمەن العا ۇمتىلعان پيتەرلىكتەر ەسەپتى 2:2-گە جەتكىزسە, اراعا ءۇش مينۋت سالىپ جەڭىس گولىن سالدى. بۇل شايبالار, ءسايكەسىنشە سەرگەي كۋزنەتسوۆ پەن ۆاديم ششەگولكوۆتىڭ ەسەبىنە جازىلدى.
ايان ءابدۋالي,
«ەگەمەن قازاقستان»