حابارلامانى حالىقارالىق ساۋدا پالاتاسىنىڭ دۇنيەجۇزىلىك پالاتالار فەدەراتسياسى جاريا ەتتى قازاقستاننىڭ سىرتقى ساۋداسى حالىقارالىق كەپىلدىك بەرەتىن تىزبەك International Chamber of Commerce (ATA ICC WCF)-ءتىڭ 76-مۇشەسى بولدى, دەپ جازادى palata.kz.
قازاقستاندا 1 ساۋىردەن باستاپ اتا كارنەت جۇيەسى قولدانىلا باستايدى. اتا كارنەتى ۋاقىتشا اكەلىنەتىن تاۋارلاردى انىقتاپ, تولەمسىز كىرگىزۋگە مۇمكىندىك بەرەتىن, سونداي-اق اكەلىنگەن تاۋارلاردى تەڭەستىرىپ, كەدەندىك تولەمدەر مەن الىم-سالىقتار تولەۋدە كەپىلدىك بەرەتىن حالىقارالىق اينالىمداعى ستاندارتتى قۇجات بولىپ تابىلادى.
اتا كارنەتى كەدەن قىزمەتكەرلەرى مەن ساراپشىلاردىڭ ۋاقىتى مەن قارجىسىن ۇنەمدەپ, تاۋاردى شەكارا ارقىلى سەنىمدى جانە قاۋىپسىز تۇردە تاسىمالداۋدى قامتاماسىز ەتەدى. قازاقستان ۋاقىتشا اكەلۋ تۋرالى حالىقارالىق كونۆەنتسيانى راتيفيكاتسيالادى (كارنەت اتا كونۆەنتسياسى) قر زاڭىنىڭ 2010 جىلدىڭ 3 قاراشاداعى № 346-IV شەشىمى.
اتا جۇيەسىنىڭ ماڭىزدى اسپەكتىلەرىنىڭ ءبىرى – اتا حالىقارالىق كونۆەنتسياسىن راتيفيكاتسيالاعان بارلىق مەملەكەت بىردەي اتا جۇيەسىنە كىرە بەرمەيدى, ياعني ولاردىڭ اۋماعىندا كەدەن قىزمەتى اتا جۇيەسىنىڭ پرينتسيپىمەن قابىلداپ نەمەسە جىبەرە المايدى. مەملەكەت ۇلتتىق كەپىلدىك بەرەتىن ۇيىمداردىڭ دۇنيەجۇزىلىك پالاتالار فەدەراتسياسىنا جانە كەپىلدىك بەرەتىن قاۋىمداستىققا بەكىتىلگەن ۇلتتىق كەدەن ورگانىنىڭ حالىقارالىق جەلىسىنە رەسمي تۇردە ەنگىزىلگەننەن كەيىن عانا حالىقارالىق اتا جۇيەسىنە رەسمي تۇردە مۇشە بولا الادى.
قازاقستاننىڭ سىرتقى ساۋدا پالاتاسى قازاقستاندا اتا كارنەتىن ەنگىزۋدى 2016 جىلى قاڭتار ايىندا باستاپ, 2016 جىلدىڭ اقپان ايىندا اياقتادى. قر قم مەملەكەتتىك كىرىستەر كوميتەتى حالىقارالىق ساۋدا پالاتاسىنىڭ حاتشىلىعىنا قازاقستاننىڭ سىرتقى ساۋدا پالاتاسى اتا كارنەتى بويىنشا كەپىلدىك بەرەتىن ۇيىم دەپ تانۋ تۋرالى حابارلاما بەردى.
اتا كارنەتى بويىنشا كوممەرتسيالىق ۇلگىدەگى كەڭ تاۋارلار تىزبەسىن: باعالى زاتتار مەن اشەكەيلەر, ساعاتتار مەن بىلعارى بۇيىمداردى; جارمەڭكە مەن كورمە تاۋارلارى, كورمە كابينا/ستەندتەر; كونە زاتتار, سۋرەتتەر جانە باسقا دا ونەر تۋىندىلارى; تەلەۆيزيا ءۇشىن كاسىبي دىبىستى جابدىق, راديو حابارلارىن تاراتۋ جانە كينەماتوگرافيا, مۋزىكالىق اسپاپتار جانە كوستيۋمدەر. سونداي-اق تەاتر ءۇشىن قۇرال-جابدىقتار, مەحانيكا جانە ەلەكتر جابدىقتارى, ينجەنەريا, حيرۋرگيا, ارحەولوگيا جانە تاعى باسقالارىن اۋىستىرۋعا رۇقسات ەتىلەدى.
اتاپ ءوتۋ قاجەت, ATA كارنەتى ارقىلى تەز بۇزىلاتىن نەمەسە تۇتىنىلاتىن تاۋارلار, وڭدەۋدى جانە جوندەۋدى قاجەت ەتەتىن تاۋارلار اۋىستىرىلمايدى. قازىرگى ۋاقىتتا قازاقستاننىڭ سىرتقى ساۋدا پالاتاسى وسى اتا كارنەت جۇيەسىن قازاقستاندا تولىققاندى قودانىسقا ەنگىزۋ ءۇشىن بار كۇشىن سالىپ وتىر.