بيىكتەرگە باستايتىن بەس باسىمدىق

ەلباسىنىڭ حالىققا ارناعان بيىلعى جولداۋىندا ۇلتتىڭ نەگىزگى كاپيتالى سانالاتىن ءبىلىم سالاسى مەن جاڭا تەحنولوگيالاردى دامى­تۋعا ايرىقشا كوڭىل ءبولىن­گەنى ەرەكشە قۋانتىپ وتىر. ما­ڭىز­دى ستراتەگيالىق قۇجات­تاعى 5 باسىمدىقتىڭ ىشىندە, ءاسى­رەسە, ءبىرىنشى باسىمدىق – ەكو­نو­مي­كا­نىڭ جەدەلدەتىلگەن تەح­نو­لو­گيا­لىق جاڭعىرتىلۋىنا توقتال­عىم كەلەدى. ويتكەنى, بۇل – ءبىز­دىڭ ۋنيۆەرسيتەتكە تىكەلەي قاتىستى. پرەزيدەنت 3D-پرينتينگ, ونلاين-ساۋدا, ءموبيلدى بانكينگ, تسيفرلىق قىزمەت كورسەتۋ سەكىلدى دەنساۋلىق ساقتاۋ, ءبىلىم بەرۋ ىسىندە قولدانىلاتىن جانە باسقا دا پەرسپەكتيۆالى سالالاردى دامىتۋ ىسىنە باسىمدىق بەرىپ وتىر. ەلباسى ءسوز ەتكەن 3D-پرينتينگ بارلىق جەردە جۇمىس ىستەي باستاۋى ءتيىس. بۇل – ازىرشە قازاقستانداعى عانا ەمەس, تمد ەلدەرىندەگى جالعىز قۇرىل­عى بولىپ وتىر. جولداۋداعى جۇكتەلگەن مىندەتتەر ءبىزدىڭ وسى باعىتتاعى جۇمىستارىمىزدى ودان ءارى جانداندىرا تۇسۋگە سەرپىن بەرەدى دەپ ويلايمىز. مەملەكەت باسشىسى قازاقستان شەت ەل ينۆەستيتسيالارىن تارتۋ ىسىندەگى كوشباسشىلىعىن ساق­تاپ قالۋى قاجەتتىگىنە دە ەرەكشە توقتالدى. بۇل باعىتتا دا ءبىز­دىڭ ۋنيۆەرسيتەت شەتەلدىك قور­لار­­­مەن جۇيەلى تۇردە جۇمىس ءىس­تەپ كەلەدى. ءبىر عانا مىسال اي­تا­­­يىن. قازىرگى ۋاقىتتا گەر­ما­­نيا­­­نىڭ «فولكسۆاگەن» قورى ءوز قار­جىلارىنا ءبىزدىڭ ۋنيۆەر­سي­تەتتىڭ دوكتورانتتارىن وقىتىپ جاتىر. جولداۋعا سايكەس, الداعى ۋا­قىت­تا دا وسى تاراپتاعى جۇمىس­تا­ردى جانداندىرۋدى كوزدەپ وتىرمىز. «ءتورتىنشى ونەركاسىپتىك رەۆو­ليۋتسيا ەلەمەنتتەرىن جاپپاي ەنگىزۋ كەرەك», دەدى ەلباسى ءوز جولداۋىندا. بۇل دەگەنىڭىز – ءوندىرىس پەن اقپاراتتىق تەحنو­لوگيا­لاردىڭ بىرىگۋى. مۇنى بۇگىن­دە بۇكىل الەم مويىندايدى. كوپ­تەگەن ەلدەر قولدانىسقا ەنگىزىپ تە جاتىر. تۇپكى ماقسات – ادامي رەسۋرستاردى ازايتۋ, بارلىق سالانى اۆتوماتتاندىرۋ. پرەزيدەنت جولداۋىنداعى بەس باسىمدىق ەلىمىزدى بيىك بەلەستەرگە باستايتىنىنا سەنىم مول. ەندىگى ماقسات – جۇكتەلگەن مىندەتتەردى بىرلەسە جۇزەگە اسىرۋ. جاسۇلان شايماردانوۆ, د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ رەكتورى وسكەمەن